მიწისძვრიდან 108 საათის შემდეგ, მაშველებმა გადაარჩინეს კაცი, რომელმაც საავადმყოფოში გადაყვანაზე ნანგრევებში დარჩენილი მეუღლის პოვნამდე უარი თქვა (ვიდეო)
თურქეთში, მიწისძვრიდან 108-ე საათზე მაშველებმა ნანგრევებიდან ამოიყვანეს კაცი, რომელსაც ადგილის დატოვება და მეუღლის გარეშე წასვლა არ უნდოდა.
კაცის შემდეგ მალევე, მაშველებმა მისი მეუღლეც ცოცხალი იპოვეს და ნანგრევებიდან ამოიყვანეს.
შეგახსენებთ, თურქეთსა და სირიაში 7.8 მაგნიტუდის სიმძლავრის მიწისძვრა ორშაბათს დილით მოხდა და რამდენიმე საათში მას კიდევ ერთი ძლიერი, 7.5 მაგნიტუდის მიწისძვრა მოჰყვა.
