არ ვიცი, როგორ გადავრჩი, რას ვჭამდი - თურქეთში მიწისძვრიდან 11 დღის შემდეგ, 3 ადამიანი ნანგრევებიდან ცოცხალი ამოიყვანეს
თურქეთში მიწისძვრიდან 11 დღის შემდეგ ნანგრევებიდან 3 ადამიანი ამოიყვანეს.
მაშველებმა ისინი ჰათაის პროვინციაში დამანგრეველი მიწისძვრიდან 275 საათზე მეტის გასვლის შემდეგ გადაარჩინეს. დაშავებულები საავადმყოფოში გადაიყვანეს.
"არ ვიცით, როგორ გადავრჩი, რას ვჭამდი... მთავარია ცოცხალი ვარ", - განაცხადა ერთ-ერთმა დაშავებულმა.
ბოლო ინფორმაციით, თურქეთსა და სირიაში 7.8 მაგნიტუდის სიმძლავრის მიწისძვრის მსხვერპლთა რიცხვმა 41 000-ს გადააჭარბა.
