მიწისძვრიდან 14 დღის შემდეგ, თურქეთში სამძებრო-სამაშველო სამუშაოები შეწყდა
მიწისძვრიდან თოთხმეტი დღის შემდეგ, სამძებრო-სამაშველო სამუშაოები კაჰრამანმარაშისა და ჰათაის პროვინციების გარდა ყველგან შეწყდა.
ამის შესახებ ინფორმაციას სააგენტო „ანადოლუ" სტიქიურ უბედურებებთან და საგანგებო სიტუაციებთან ბრძოლის დეპარტამენტზე დაყრდნობით ავრცელებს.
„სამძებრო-სამაშველო სამუშაოები ყველგან დასრულებულია , გარდა კაჰრამანმარაშის და ჰათაის პროვინციებისა, სადაც დაახლოებით 40 შენობის ნანგრევებში დიდი სიზუსტით და საფუძვლიანად კვლავ გრძელდება ძიება.დღეის მდგომარეობით მიწისძვრების შედეგად 40 689 კაცია დაღუპული“, - განაცხადა ბრიფინგზე სტიქიურ უბედურებებთან და საგანგებო სიტუაციების მართვის სამსახურის პრეზიდენტმა, იუნუს სეზერმა.
მან აღნიშნა, რომ ინტენსიურად გრძელდება მიწისძვრით დაზარალებული ქალაქების ნანგრევებისგან გასუფთავების და კეთილმოწყობის სამუშაოები.
