თურქეთში ღამით მომხდარ მიწისძვრას მსხვერპლი მოჰყვა - ფოტოები ადგილიდან
20 თებერვალს, სირისა და თურქეთის საზღვარზე ძლიერი მიწისძვრები მოხდა, რასაც ნგრევა და მსხვერპლი მოჰყვა.
თურქული მედიის ინფორმაციით, ღამით მომხდარ სტიქიურ უბედურებას 4 ადამიანი ემსხვერპლა, 290-ზე მეტი ადამიანი დაშავდა, ზოგიერთი მათგანის ჯანმრთელობის მდგომარეობა მძიმეა.
სტიქიური უბედურების ზონაში სამაშველო ოპერაცია მთელი ღამის განმავლობაში მიმდინარეობდა, იყო ცუნამის საფრთხე, თუმცა მოგვიანებით,საფრთხე მოიხსნა.
ცნობისთვის, თურქეთსა და სირიის საზღვარზე 6 თებერვალსაც მოხდა მიწისძვრა, რასაც 45 ათასზე მეტი ადამიანი ემსხვერპლა.
