თურქეთში მაგნიტუდით 5.3 მიწისძვრა მოხდა, მოსახლეობა ქუჩაში გავიდა - (ვიდეო)
თურქეთში კიდევ ერთი ძლიერი მიწისძვრა მოხდა. თურქული მედიის ინფორმაციით, მიწისძვრის მაგნიტუდამ 5.3 შეადგინა.
მიწისძვრის ეპიცენტრი ქალაქ ნიღდესთან იყო.
მიწისქვეშა ბიძგების შემდეგ, შეშინებული მოსახლეობა ქალაქის ქუჩებში გამოვიდა.
ნგრევისა და დაშავებულთა შესახებ ინფორმაცია არ ვრცელდება.
შეგახსენებთ, რომ თურქეთში 6 თებერვალს მომხდარმა მიწისძვრამ 45 ათასამდე ადამიანი იმსხვერპლა.
