გრავიტაციას სინათლის წარმოქმნა შეუძლია? - მეცნიერების განმარტება

მეცნიერები დიდი ხნის განმავლობაში იკვლევდნენ, გრავიტაციას სინათლის წარმოქმნა შეუძლია, თუ არა.

მკვლევრებმა დაადგინეს, რომ ადრეული სამყაროს ეგზოტიკურ გარემოში, გრავიტაციული ტალღები შეიძლება ისე ძლიერ არყევდა სივრცე-დროს, რომ სპონტანურად ქმნიდა რადიაციას.

რეზონანსის ფიზიკური კონცეფცია ყოველდღიურ ცხოვრებაში გარშემო ყველგან გვხვდება. როცა საქანელაზე ზიხართ და მაღლა აქანება გინდათ, ბუნებრივად იწყებთ ფეხების წინ გაშლას და მოკეცვას. სწრაფადვე პოულობთ სწორ რიტმს და მაღლაც ადვილად ადიხართ. თუ რიტმიდან ამოვარდებით, ისე მაღლა ვეღარ აქანდებით. ამ კონკრეტული სახის ფენომენს ფიზიკაში პარამეტრულ რეზონანსს უწოდებენ.

თქვენი ფეხები გარე სატუმბი მექანიზმის მსგავსად მოქმედებს. როდესაც ისინი სისტემის რეზონანსულ სიხშირეს ემთხვევა, ამ შემთხვევაში, საქანელაზე მჯდომ თქვენს სხეულს, შეუძლიათ სისტემისთვის ენერგიის გადაცემა, რაც საქანელას უფრო მაღლა სწევს.

ამ სახის რეზონანსები ყველგან ხდება და როგორც მკვლევართა ჯგუფმა აღმოაჩინა, პარამეტრული რეზონანსის ეგზოტიკური ფორმა შეიძლება უკიდურესად ადრეულ სისტემაშიც კი ხდებოდა.

სამყაროს მთელი ისტორიის განმავლობაში მომხდარი ალბათ ყველაზე დრამატული მოვლენა იყო ინფლაცია. ეს გახლავთ ჰიპოთეტური მოვლენა, რომელიც მაშინ მოხდა, როდესაც სამყარო ჯერ ერთი წამის შექმნილიც არ იყო. ინფლაციის დროს, ჩვენი კოსმოსი დრამატული პროპორციებით გაიზარდა და მრავალჯერ უფრო დიდი გახდა, ვიდრე იქამდე იყო. ინფლაციის დასასრული ძლიერ არეულ-დარეული საქმე გახლდათ, რადგან გრავიტაციული ტალღები მთელ კოსმოსში წინ და უკან დაეხეტებოდნენ.

ასეთი შედეგები წარმოშობს სრულიად ახალ ფენომენს: სინათლის წარმოქმნას მხოლოდ გრავიტაციისგან. დღევანდელ სამყაროში აღარ არსებობს სიტუაცია, რომელიც ამ პროცესს კვლავ შესაძლებელს გახდიდა, მაგრამ როგორც მკვლევრებმა აჩვენეს, ადრეული სამყარო იმაზე გაცილებით უცნაური ადგილი იყო, ვიდრე შეიძლება წარმოგვედგინოს.

წყარო: 1tv.ge