სოფო კილაძე გაეროს ბავშვთა უფლებათა კომიტეტის ვიცე-პრეზიდენტად აირჩიეს
საქართველოს IX მოწვევის პარლამენტის წევრი, საარჩევნო ბლოკ „ქართული ოცნება - დემოკრატიული საქართველოს" მაჟორიტარი დეპუტატი, სოფო კილაძე გაეროს ბავშვთა უფლებათა კომიტეტის ვიცე-პრეზიდენტი გახდა. ინფორმაციას ამის შესახებ სოფო კილაძე თავის „ფეისბუქ“ გვერდზე აქვეყნებს.
„მაქვს პატივი ვიყო არჩეული გაეროს ბავშვის უფლებათა კომიტეტის ვიცე-პრეზიდენტად. დიდი მადლობა მთელს კომიტეტს, ყველა ჩემს კოლეგას ნდობისა და მხარდაჭერისთვის. ეს არის ჩემთვის დიდი პასუხისმგებლობა და ასევე, მნიშვნელოვანი შესაძლებლობა უფრო მეტი გავაკეთო ბავშვებისთვის მსოფლიოს სხვადასხვა კუთხეში“, - წერს კილაძე.
