13 მაისის ასტროლოგიური პროგნოზი ზოდიაქოს ყველა ნიშნისთვის

ნახეთ, ვის ელის წარმატებული დღე და პლანეტების მფარველობა:

ვერძი

ხვდებით, რომ ჩიხში შეხვედით, მაგრამ გეშინიათ საკუთარ თავს გამოუტყდეთ. თავის მოტყუების დრო დასრულდა, ეცადეთ სიმართლეს თვალი გაუსწოროთ და ილუზიებისგან გათავისუფლდეთ. ეს დღე საშუალებას მოგცემთ, რომ ყველა შესაძლო ვარიანტიდან სწორი გზა აირჩიოთ.

კურო

ეცადეთ, გვერდით მყოფი ადამიანი უკეთ გაიცნოთ. ის შეიძლება კოლეგა, ნაცნობი ან შემთხვევითი თანამგზავრი იყოს. თუ ურთიერთობებში, ემოციების ნაცვლად, ლოგიკით იხელმძღვანელებთ, შანსი გექნებათ, რომ ამ ადამიანის შესახებ მეტი ინფორმაცია მოიძიოთ და მომავალში ეს ინფორმაცია თქვენს სასარგებლოდ გამოიყენოთ.

ტყუპები

ეცადეთ, ქაოსს გაექცეთ და საკუთარ ფიქრებთან მარტო დარჩეთ. განმარტოება საშუალებას მოგცემთ, რომ სულიერი სიმშვიდე და მტკივნეულ კითხვებზე პასუხი იპოვოთ. შესაძლოა, სულის სიღრმეში ეს პასუხები უკვე იცით, მთავარია, რომ აღიაროთ.

კირჩხიბი

საკუთარი შესაძლებლობების ობიექტურად შეფასების უნარი წარმატებას მოგიტანთ. დღის განმავლობაში შეიძლება ამა თუ იმ დარგის სპეციალისტის რჩევა დაგჭირდეთ - ერთი თავი კარგია, მაგრამ ორი უკეთესი.

ლომი

ამ დღეს ლომები, განსაკუთრებით ქალები, კამათის ხასიათზე დადგებიან. ცდილობთ, გარშემომყოფებს თქვენი სიმართლე დაუმტკიცოთ და მათ, მორჩილების გარდა, სხვა გზას არ დაუტოვებთ. თქვენი ინტელექტუალური უპირატესობის აღიარება შინაგან კმაყოფილებას მოგიტანთ.

ქალწული

მთელ დღეს ეჭვებსა და გაურკვევლობაში გაატარებთ, რაც მიმდინარე საქმეებზე არასახარბიელოდ აისახება. პრობლემების თავიდან ასაცილებლად ეცადეთ, საქმიანი განწყობა დილიდან ვარჯიშით და კონტრასტული შხაპით შეიქმნათ. როგორც კი გაურკვევლობიდან გათავისუფლდებით, ცხოვრება ახალ ფერებს შეიძენს.

სასწორი

ამ დღეს შანსი გექნებათ, რომ ახალი ვალდებულებები აიღოთ, რაც ახალ შესაძლებლობებს მოგიტანთ. სავარაუდოდ, საქმე ქორწინების შეთავაზებას, ახალ სამსახურს ან კარიერის ახალ ეტაპს ეხება. ჰოროსკოპის ვარსკვლავები გირჩევენ, რომ ახალი პასუხისმგებლობებისა და ვალდებულებების არ შეგეშინდეთ - ვინც არ რისკავს, შამპანურსაც არ სვამს.

მორიელი

თუ მოინდომებთ, ნებისმიერ დებატებში გაიმარჯვებთ. დღეს საკუთარი ერუდიციის დემონსტრირებას განსაკუთრებულად წარმატებით შეძლებთ და თანამოსაუბრეს მარტივად დაიმორჩილებთ. ინტელექტუალურ პაექრობაში ბადალი არ გყავთ, რასაც ყველა ერთხმად აღნიშნავს.

მშვილდოსანი

შესაძლოა, ამ დღეს სახლის, აგარაკის ან სხვა სივრცის კეთილმოწყობას შეუდგეთ. უფრო მეტიც, ხვდებით, რომ თქვენს გლობალურ გეგმებს მარტო ვერ გაუმკლავდებით და ცდილობთ თქვენს საქმიანობაში სხვებიც ჩართოთ. თქვენს ახლობლებს ძალიან გაუმართლებთ, თუ ზოგად დასუფთავებას დასჯერდით და კაპიტალური რემონტი არ დაიწყეთ.

თხის რქა

ამ დღეს ინტელექტუალური და ფილოსოფიური საუბრების მოთხოვნილებას გრძნობთ, ამიტომ თქვენი მთავარი მიზანი ღირსეული თანამოსაუბრის ძიებაა. ცდილობთ, უბრალო მეგობრული საუბარიც კი ინტელექტუალურ კამათად აქციოთ, მაგრამ თქვენთვის მნიშვნელოვანი მისი შედეგი კი არა, აზრების ემოციური გაცვლის პროცესია.

მერწყული

პერსპექტიული ნაცნობობა შეიძლება ხანგრძლივ ურთიერთობაში გადაიზარდოს. სავარაუდოდ, ეს რომანტიკული ურთიერთობა იქნება, თუმცა უყურადღებოდ არც მეგობრული და საქმიანი კავშირები უნდა დატოვოთ. გახსოვდეთ, რომ ამ დღემ შეიძლება, თქვენს ცხოვრებაში მნიშვნელოვანი როლი შეასრულოს.

თევზები

სურვილის შემთხვევაში ამ დღეს ნებისმიერი საკითხის გარკვევა შეგიძლიათ. ლოგიკური აზროვნება და ინტუიცია დაგეხმარებათ, რომ ნებისმიერი ამოცანა გადაჭრათ. საკმარისია ფაქტების შეგროვებას და სწორი დასკვნების გამოტანას მარტივად შეძლებთ. გამჭრიახობა გარშემო მყოფთა თვალში განსაკუთრებულ ხიბლს განიჭებთ, რაც სრულიად გასაგებია - არაფერი ამშვენებს ადამიანს ისე, როგორც საკუთარი ჭკუა.

funtime.ge