„დაკისრებული თანხის ანაზღაურება ჟურნალისტს არ მოუწევს“ - ნიკა გვარამია ეკა კვესიტაძის დაჯარიმებაზე

“მთავარი არხის” დამფუძნებელი, ნიკა გვარამია სააპელაციო სასამართლოს გადაწყვეტილებას ეხმაურება, რომელმაც ჟურნალისტ, ეკა კვესიტაძისთვის „რუსთავი 2“-სთვის გადასახდელი ჯარიმა ძალაში დატოვა.

“რ2-დან უკანონოდ გამოგდებულ ეკა კვესიტაძეს დღეს სააპელაციო სასამართლომ იქით დააკისრა 12 000 ლარი რ2-ის სასარგებლოდ. ორივე ეპიზოდი არის ქვეყნის გამორჩეული კრიტიკული ხმის პოლიტიკური დევნა და მოითხოვს მკაფიო და ხისტ რეაქციას.

პირადად მე, როგორც “მთავარი არხის” ერთ-ერთი დამფუძნებელი, ვიღებ საკუთარ თავზე პასუხისმგებლობას, რომ ამ სამართლებრივი ძალადობის პირისპირ ეკა არ დარჩება მარტო და თუ უზენაესი სასამართლო ძალაში დატოვებს უკანონო გადაწყვეტილებას, დაკისრებული თანხის ანაზღაურება ჟურნალისტს არ მოუწევს.

ნიკა #212″, – წერს ნიკა გვარამია.

ცნობისთვის, "მთა­ვა­რი არ­ხის" წამ­ყვა­ნი, ჟურნალისტი, ეკა კვე­სი­ტა­ძე წერს, რომ სა­ა­პე­ლა­ციო სა­სა­მარ­თლომ "რუს­თა­ვი 2"-ის სა­სარ­გებ­ლოდ 12 000 ლა­რის ჯა­რი­მის გა­დახ­და და­ა­კის­რა.