მეგონა, ქართველები მადლობას მეტყოდნენ - ვლადიმერ პუტინი სავიზო რეჟიმის გაუქმების შესახებ

რუსეთის პრეზიდენტი, ვლადიმერ პუტინი აცხადებს, რომ ვიზების გაუქმებასთან დაკავშირებით მიღებულ გადაწყვეტილებაზე ქართველების რეაქციამ გააკვირვა. ამის შესახებ მან მოძრაობის, "საქმიანი რუსეთის“ წევრებთან შეხვედრისას განაცხადა.

"ჩემთვის სრული მოულოდნელობა იყო ის რეაქცია, რომელიც სავიზო რეჟიმის გაუქმებას მოჰყვა. მეგონა, რომ ყველა იტყოდა - მადლობა, ეს კარგიაო - მაგრამ არა, იქ ამ თემაზე სრულებით გაუგებარი ქარიშხალი ატყდა. ძალიან უცნაურია და სიმართლე ითქვას, მოულოდნელია. როცა გვერდიდან ვუყურებ, ვფიქრობ - სულ შეიშალნენ? რა ხდება იქ, მათთან, გაუგებარია“, - განაცხადა პუტინმა. 

ცნობისთვის, რუ­სეთ­მა სა­ქარ­თვე­ლოს მო­ქა­ლა­ქე­ე­ბის­თვის სა­ვი­ზო რე­ჟი­მი გა­ა­უქ­მა. შე­სა­ბა­მი­სი გან­კარ­გუ­ლე­ბა რუ­სე­თის პრე­ზი­დენ­ტმა, ვლა­დი­მერ პუ­ტინ­მა გა­მოს­ცა. პუ­ტი­ნის გან­კარ­გუ­ლე­ბის თა­ნახ­მად, სა­ვი­ზო რე­ჟი­მი 15 მა­ი­სი­დან გა­უქ­მდა. ამას­თან, ვლა­დი­მერ პუ­ტინ­მა რუ­სუ­ლი ავი­ა­კომ­პა­ნი­ე­ბის­თვის სა­ქარ­თვე­ლო­ში ფრე­ნებ­ზე აკ­რძალ­ვაც მოხ­სნა.

რუსეთმა საქართველოსთან პირდაპირი ავიამიმიმოსვლა თბილისში ანტირუსული საპროტესტო გამოსვლების ფონზე 2019 წლის ზაფხულში შეაჩერა.

2008 წლის 7 აგვისტოს რუსეთ-საქართველოს მრავალწლიანი კონფლიქტი რუსეთის ღია სამხედრო აგრესიაში გადაიზარდა, რასაც ასეულობით ადამიანის მსხვერპლი, ეთნიკური წმენდა და რუსეთის მიერ საქართველოს ორი რეგიონის, აფხაზეთის და სამაჩაბლოს ოკუპაცია მოჰყვა.