რომელი ქვეყნებიდან შემოსული ტურისტები ხარჯავენ საქართველოში ყველაზე მეტს?

საერთაშორისო ტურიზმიდან შემოსავლები რეკორდულად გაიზარდა. ამის შესახებ ინფორმაციას ტურიზმის ეროვნული ადმინისტრაცია ავრცელებს. მათივე ცნობით, 2023 წლის იანვარი-ივნისის მონაცემებით, საქართველომ საერთაშორისო მოგზაურობიდან (ტურიზმიდან) 1 804 529 935 დოლარის შემოსავალი მიიღო, რაც 2019 წლის ანალოგიური მაჩვენებლის 123.9%-ით აღდგენაა (+348 461 374 აშშ დოლარი). 2022 წელთან შედარებით კი, საერთაშორისო მოგზაურობიდან შემოსავლები გაზრდილია 661 999 720 (+57.9%) აშშ დოლარით.

მ 2023 წლის იანვარ-ივნისში მოგზაურობიდან მიღებული შემოსავლებით ქვეყნებს შორის რუსეთი ლიდერობს. ჯამში, წლის 1-ელ ნახევარში რუსმა ტურისტებმა საქართველოში 482.1 მლნ აშშ დოლარი დახარჯეს. ეს წლიურად ფაქტობრივად, 120,4%-ით გაზრდილი მაჩვენებელია. გასული წლის ანალოგიურ პერიოდში რუსი მოგზაურებისგან მიღებულმა შემოსავალმა 218.7 მლნ დოლარი შეადგინა.

2023 წლის იანვარ-ივნისში ქვეყნების მიხედვით საერთაშორისო მოგზაურებიდან მიღებული შემოსავლები ასეთია:

რუსეთი - 482.1 მლნ დოლარი;

დანარჩენი ქვეყნები - 343.9 მლნ დოლარი;

თურქეთი - 264 მლნ დოლარი;

ევროკავშირის ქვეყნები - 215.7 მლნ დოლარი;

ისრაელი - 148.2 მლნ დოლარი;

უკრაინა - 101.8 მლნ დოლარი;

სომხეთი - 67.3 მლნ დოლარი;

აზერბაიჯანი - 60.9 მლნ დოლარი;

ირანი - 50.1 მლნ დოლარი;

ბელარუსი - 48.4 მლნ დოლარი;

საუდის არაბეთი - 22.1 მლნ დოლარი.