რატომ იზრდება ცხვირი ასაკთან ერთად?
ასაკთან ერთად, ადამიანის გარეგნობაში არაერთი ცვლილება ხდება და ერთ-ერთი მათგანია
ცხვირის "ზრდა". ეს ფენომენი საკმაოდ გავრცელებულია და ბევრი პაციენტის ინტერესს იწვევს.
ერთი შეხედვით შეიძლება ჩანდეს, რომ ცხვირი რეალურად იზრდება ასაკთან ერთად.
მაგრამ ეს ვიზუალური შთაბეჭდილება განპირობებულია არა ცხვირის ზომის რეალური ზრდით, არამედ მის გარშემო არსებულ ქსოვილებში მომხდარი ასაკთან დაკავშირებული სხვადასხვა ცვლილებებით.
ასაკთან ერთად ცხვირის ვიზუალური გადიდების ერთ-ერთი მიზეზი კანის ქვეშ ცხიმოვანი ქსოვილის შემცირება. წლების განმავლობაში ცხიმის დაკარგვა ხდება სახის ბევრ უბანზე, მათ შორის ლოყებზე, ნიკაპსა და შუბლზე. ამის გამო, ამ უბნების კონტურები ხდება ნაკლებად მოცულობითი, ხოლო ცხვირი, პირიქით, უფრო შესამჩნევად გამოირჩევა.
გარდა ამისა, ასაკთან ერთად იცვლება ცხვირის ხრტილის ფორმა და სტრუქტურა. ხრტილოვანი ქსოვილი ხდება ნაკლებად ელასტიური და ექვემდებარება დეფორმაციას. ამან შეიძლება გამოიწვიოს ცხვირზე კეხი ან მისი ფორმის შეცვლა. გარდა ამისა, ასაკთან ერთად, კანში კოლაგენისა და ელასტინის ქსოვილი მცირდება, რაც მას ნაკლებად ელასტიურს ხდის.
ამ ფიზიოლოგიური ცვლილებების გარდა, სხვა ფაქტორებმა, როგორიცაა მზის გმოსხივებისაგანა მიღებულმა დაზიანება ან ტრავმამ, შეიძლება გავლენა იქონიოს ცხვირის გარეგნობაზე. მზეზე ხანგრძლივმა ყოფნამ, შეიძლება გამოიწვიოს კანის ელასტიურობის დაკარგვა და ნაოჭების გაჩენა, მათ შორის ცხვირზეც.
ტრავმულმა დაზიანებებმა შეიძლება გამოიწვიოს ცხვირის ხრტილის დეფორმაცია და მისი ფორმის შეცვლა.
ასაკთან დაკავშირებულმა ყველა ამ ცვლილებამ შეიძლება ცხვირი უფრო გამოკვეთილი გახადოს სახეზე და გამოიწვიოს საკუთარი გარეგნობით უკმაყოფილება.
წყარო: მკურნალი.გე
