კარალიოკი - შეუცვლელი დამხმარე გულის პრობლემების დროს

კარალიოკი  –  ამ სეზონის კიდევ ერთი ხილი, რომელსაც უამრავი სასარგებლო თვისება გააჩნია.

ცივ სეზონზე ადამიანის ორგანიზმს განსაკუთრებით სჭირდება ბევრი ვიტამინი, კარალიოკი კი ვიტამინებისა და სასარგებლო მინერალების საბადოა.

კარალიოკს გააჩნია ერთგვარი სამკურნალო თვისებები: 

გაზაფხულსა და შემოდგომით ჩვენი იმუნური სისტემა განსაკუთრებით სუსტდება. ცივ ამინდებში კარალიოკი უებარი წამალია. მასში არსებული უამრავი C ვიტამინის წყალობით, ის შველის რესპირატორულ დაავადებებს და გრიპს, ხოლო ბეტა-კაროტინის საშუალებით ახალი იმუნური უჯრედების ჩამოყალიბებას უწყობს ხელს.

კარალიოკი, ასევე, ხელს უწყობს საჭმლის მონელებას, რადგან იგი მდიდარია საკვები უჯრედისით, რომელიც კუჭ-ნაწლავის სწორად მოქმედებისთვის არის საჭირო. კარალიოკი შეიცავს დიდი რაოდენობით ვიტამინ В6-ს და ფოლიუმის მჟავას, რომლის წყალობითაც რეგულირდება საჭმლის მონელების პროცესი.

თუმცა, უნდა აღინიშნოს, რომ კარალიოკი საკმაოდ კალორიულია. ასევე დიაბეტის მქონე პირებმა მისი მიღებისგან თავი უნდა შეიკავონ.  

კარალიოკი გარდა C და B ვიტამინებისა, მდიდარია ასევე A ვიტამინითაც, რომელიც ჩვენი მხედველობისთვის აუცილებელია, განსაკუთრებით კი ბავშვებში. ასე რომ კარალიოკი კონიუქტივისა და მხედველობის პრობლემებისთვის ერთ-ერთი საუკეთესო საშუალებაა.

კარალიოკი ძლიერ შარდმდენ საშუალებად მიიჩნევა. აღსანიშნავია, რომ ის მხოლოდ მავნე ნივთიერებებს გამოდევნის და კალიუმის წყალობით არ გამოაქვს ორგანიზმიდან საჭირო მინერალები და ვიტამინები.

კარალიოკი ენერიგიით ავსებს, ასევე არის ანტისტრესული საშაულება.  

უამრავი ვიტამინის გარდა კარალიოკი გაჯერებულია ანტიოქსიდანტი ფლვანოიდებით, რომელიც ხელს უშლის დაბერების პროცესს. კარალიოკის კანი ყველაზე დიდი რაოდენობით ანტიოქსიდანტს შეიცავს.

კარალიოკი თავისი თვისებებით განსაკუთრებით სასარგებლოა გულის პრობლემების მქონე ადამიანებისთვის. დღეში 2-3 ცალი კარალიოკი გულის ტკივილის ბევრად შეგიმსუბუქებთ, ასევე ათეროსკლეროზთან ბრძოლაშიც დაგეხმარებათ.