„ღუდუშაური ყველანაირ ზღვარს და ნორმას გასცდა.. მზად ვარ, ასეთ ნაძირალებს ფიზიკურადაც დავუპირისპირდე!“ - სოფო ჯაფარიძე
„არავის არ აქვს უფლება, ქალს, ჩემს თანამებრძოლს ასე უღირსად ელაპარაკოს‼️ ღუდუშაური, მისი კოლეგების მსგავსად, გასცდა ყველანაირ ზღვარს და ნორმას“, – ამის შესახებ „ნაციონალური მოძრაობის“ წევრი სოფო ჯაფარიძე სოციალურ ქსელში წერს და უმრავლესობის მხრიდან ოპოზიციონერი დეპუტატების მისამართით დღეს, პარლამენტში გაკეთებულ განცხადებებს ეხმიანება.
„რომელი ქალი უნდა დაიცვას სახელმწიფომ აგრესიისგან და ძალადობისგან? როცა მოძალადეები უმრავლესობის რიგებში ჰყავთ.
მზად ვარ, ფიზიკურადაც დავუპირისპირდე ასეთ ნაძირალებს‼️
ქალის პატივისცემა ქართველი კაცის ღირსება იყო, ამათ არანაირი კავშირი არ აქვთ არც კაცობასთან, არც ღირსებასთან.
არავის არ გაპატიებთ ჩემი თანაპარტიელის თუ თანამებრძოლის შეურაცხყოფას!!
ჩემი დიდი პატივისცემა ანა წითლიძეს, თეონა აქუბარდიას და სხვა ქალებს, რომლებიც ყოველდღიურად იგერიებენ „ოცნების“ კაცუნებისგან აგრესიას და შეურაცხყოფას“, – წერს სოფო ჯაფარიძე სოციალურ ქსელში.
