დღეში ერთი პომიდორი 36%-ით ამცირებს მაღალი წნევის რისკს - ახალი კვლევა

ბოლო კვლევამ აჩვენა, რომ პომიდვრის მიღება დაკავშირებულია გულის დაავადებების რისკის მნიშვნელოვან შემცირებასთან

55 წელზე უფროსი ასაკის ადამიანებში.

პომიდორი არის ამერიკის გულის ასოციაციის (AHA) მიერ რეკომენდირებული საუკეთესო საკვები, რომელიც ხელს უწყობს მაღალი არტერიული წნევის მართვას, განსაკუთრებით იმიტომ, რომ ის მდიდარია კალიუმით, რომელიც ცნობილია, როგორც ჰიპერტენზიის შესამსუბუქებლი.

კვლევაში, რომელშიც მონაწილეობდა 7000-ზე მეტი ზრდასრული 55-დან 80 წლამდე, ესპანელმა მკვლევარებმა დაადგინეს, რომ დღეში ერთი დიდი პომიდვრის ეკვივალენტის, დაახლოებით 4 პატარა პომიდვრის, მიღებამ შეიძლება 36%-ით შეამციროს მაღალი წნევის რისკი.

,,პომიდვრის მოხმარებამ შესაძლოა მნიშვნელოვანი როლი შეასრულოს მაღალი არტერიული წნევის პრევენციასა და მართვაში”, - ნათქვამია კვლევაში, რომელიც გამოქვეყნდა ევროპის პრევენციული კარდიოლოგიის ჟურნალში.

მეცნიერებმა ხაზგასმით აღნიშნეს, რომ როგორც სისტოლური, ასევე დიასტოლური არტერიული წნევის შემცირება იყო მნიშვნელოვანი მხოლოდ პირველი ხარისხის ჰიპერტენზიის მქონე მონაწილეებში.

მეორე და მესამე ხარისხის ჰიპერტენზიის დროს პომიდვრის მოხმარებასა და არტერიულ წნევას შორის კავშირის არარსებობა შეიძლება მიეკუთვნებოდეს საკვლევი პოპულაციის ხასიათს, რომელთა უმეტესობას საწყის ეტაპზე აღენიშნებოდა ხანგრძლივი ჰიპერტენზია, ასევე კარდიოვასკულარული დაავადებების მაღალი რისკ-ფაქტორები, რომლებიც ართულებს მნიშვნელოვანი ცვლილებების მიღწევას.

პომიდორი უნდა იყოს ჯანსაღი დიეტის ნაწილი, ვინაიდან ის ჯანმრთელობის მრავალ სარგებელს გვთავაზობს. პომიდორი შეიძლება დაეხმაროს არტერიული წნევის გაუმჯობესებას, რადგან ის შეიცავს მინერალებსა და ნაერთებს, როგორიცაა ლიკოპენი, რომელსაც აქვს ანტიოქსიდანტური და ანთების საწინააღმდეგო ეფექტი.

წყარო: მკურნალი