13 დეკემბერს წლის ბოლო ახალი მთვარეა - რას წერს ასტროლოგი?

ასტროლოგი დავით  ნიბლაძე სოციალურ ქსელში სტატუსს აქვეყნებს, რომელსაც უცვლელად გთავაზობთ:

13 დეკემბერს წლის ბოლო ახალი მთვარეა🌙

♐ ახალი მთვარე მშვილდოსანშია, რომლის მმართველი იუპიტერიც უკუმიმართულებით მოძრაობს კუროში. 13 დეკემბერსვე უკან მოძრაობას იწყებს მერკურიც. ამიტომ სიახლეებზე ფიქრის ნაცვლად, უკეთესი იქნება თუ ცოტა ხანს გავჩერდებით და დროს გასული წლის შეფასებას დავუთმობთ. მშვილდოსანი განსხვავებით ბევრი სხვა ნიშნისგან იმით გამოირჩევა, რომ შეუძლია გვერდით გადადოს წვრილმანები და  მთლიანობაში დაინახოს დიდი სურათი. 

👉 როგორ გამოიყენო ამ ახალი მთვარის ენერგია სწორად? დაუსვი საკუთარ თავს ეს შეკითხვები👇

🔹 რა ღირებული ცოდნა დავაგროვე გასულ წელს? რა ვისწავლე სხვა ადამიანებისგან ან ზოგადად, ცხოვრებისგან? 

🔹 რა წინაღობებთან მომიწია გამკლავება და რა გამოცდილება დავაგროვე?

🔹 ვის ან რის მიმართ ვარ მადლიერი, რამ მოახდინა ჩემზე დადებითი გავლენა და როგორ შემიძლია ეს მადლიერება გამოვხატო? 

🔹 რა გავაკეთე ჩემი პიროვნული ზრდისა და კეთილდღეობისთვის? 

🔹 როგორ შეიცვალა ჩემი ურთიერთობები წლის განმავლობაში? არან ისეთი ადამიანები, ვისთან ურთიერთობასაც ჩემი მხრიდან ყურადღება სჭირდება? 

🔹 შეიცვალა თუ არა ჩემი პრიორიტეტები და ღირებულებები წლის განმავლობაში? თუ კი, როგორ? 

🔹 შევძელი ცხოვრების სხვადასხვა ასპექტებს შორის ბალანსის დაცვა? სამსახური, მეგობრები, ახლის სწავლა, გართობა, დასვენება და ა.შ. 

🔹 ვახერხებდი თუ არა სიმშვიდის შენარჩუნებას? რომელი სიტუაციები იწვევდა ჩემში შფოთს და მაკარგვინებდა აქ და ახლა ყოფნის საშუალებას? 

🔹 როგორ ვზრუნავდი საკუთარ თავზე? რომელი მეთოდები იყო ეფექტური და რომელი - არა? რა შემიძლია ამ მხრივ გავაუმჯობესო? 

🔹 რა მიზნები დავისახე წლის დასაწყისში ისეთი, რომელიც ვერ განვახორციელე? ისევ აქტუალურია ეს მიზნები თუ ცვლილებებს საჭიროებს?

🔹 რა მანიჭებდა სიხარულს და ბედნიერებას? რას ვისურვებდი მეტი დოზით მომდევნო წელს?

☀ წლის ბოლოს აუცილებლად აღნიშნე შენი გამარჯვებები, მიღწევები, თითოეული წინ გადადგმული ნაბიჯი და იმაზეც იფიქრე, ამ ყველაფრისთვის როგორ დააჯილდოვებ ახალ წელს საკუთარ თავს. 

🪐 და ბოლოს, თუ გსურს მომდევნო წლის გეგმების შედგენისას პირადი ასტროლოგიური ტენდენციები გაითვალისწინო, მომწერე შეტყობინება, დაჯავშნე 1 წლის ასტრო-ტენდენციები და გაიგე, სად, რომელ სფეროში და როგორ შეგიძლია მიიღო მაქსიმუმი 2024 წლისგან. 

ბედნიერ წლის ბოლო დღეებს გისურვებ! - წერს დავით ნიბლაძე.