23 იანვრის ასტროლოგიური პროგნოზი ზოდიაქოს ყველა ნიშნისთვის

რას გვირჩევენ ვარსკვლავები 23 იანვრისთვის ჯანმრთელობის, ბიზნესის და სიყვარულის მიმართულებით?

ვერძი

თუ გამუდმებით ერთსა და იმავე პრობლემას ებრძვით, მის მიმართ დამოკიდებულება უნდა შეცვალოთ და განსხვავებული მეთოდებით იმოქმედოთ. ნუ მოდუნდებით - ამ დღეს თქვენი დევიზი სისწრაფე და მოქმედებაა და ამ გზას არ უნდა გადაუხვიოთ. თუ რომელიმე უფროსი ნათესავი დიდი ხანია არ გინახავთ, ყველა საქმე გადადეთ და მოინახულეთ - გამორიცხული არ არის, რომ თქვენი დახმარება სჭირდება.

კურო

წარმატებული დღეა. ცხოვრება თქვენგან პირდაპირ და გადამწყვეტ მოქმედებას მოითხოვს. ვარსკვლავების ხელსაყრელი განლაგების დამსახურებით, ბევრი პრობლემა, ყოველგვარი ძალისხმევის გარეშე, თქვენ სასარგებლოდ გადაწყდება. ეცადეთ, ურთიერთობებს მეტი ყურადღება მიაქციოთ - სავარაუდოდ, ორმხრივი წყენა და პრეტენზიები დაგროვდა, ამიტომ პარტნიორთან გულწრფელი საუბრის დროა.

ტყუპები

თუ მიზანს მიაღწიეთ, მოდუნების ნაცვლად, ახალი მიზანი უნდა დაისახოთ და მოქმედების გეგმა შეადგინოთ. თქვენს ცხოვრებაში ცვლილებებისა და სიახლეების დროა. სინანულის გარეშე დაემშვიდობეთ ყველაფერს, რასაც მომავალი არ აქვს და აქტიურად განიხილეთ პროექტები, სადაც წარმატების დიდი შანსი გაქვთ. მთავარია, სიტუაცია არ გაართულოთ - თქვენი წარმატების საიდუმლო მონდომებასა და სიმარტივეშია.

კირჩხიბი

დილიდან სევდიან განწყობაზე ხართ და მიზეზებს ეძებთ, რომ მუშაობაზე უარი თქვათ. დატვირთული კვირის შემდეგ უფლება გაქვთ, საკუთარ თავს მოდუნების უფლება მისცეთ. ერთადერთი, რასაც უნდა მოერიდოთ, უკმაყოფილების საჯაროდ გამოხატვა და პრეტენზიებია, რასაც შეიძლება საპასუხო რეაქცია მოჰყვეს.

ლომი

სიტუაციას, რომელშიც აღმოჩნდით, ეცადეთ „გვერდიდან“ შეხედოთ. ეს შეცდომების დანახვას გაგიადვილებთ და შესაძლოა, მათი დროულად აღმოფხვრაც შეძლოთ. ურთიერთობაში მოსალოდნელია სირთულეები - ძველი გამოცდილების გამო გარშემომყოფებს არ ენდობით და მათგან გამუდმებით ხაფანგის დაგებას ელით. დროა, საკუთარ აზრებსა და გრძნობებში გაერკვეთ და მომავალზე იფიქროთ.

ქალწული

მშვენიერი გარეგნობისა და საუკეთესო პიროვნული თვისებების დამსახურებით ადამიანების მოხიბვლას ადვილად ახერხებთ. ეცადეთ, ეს უპირატესობა თქვენთვის სასარგებლო გამოიყენოთ, თუმცა, ფრთხილად იყავით უცნობ ადამიანებთან ურთიერთობისას - სასურველია, რომ მტკივნეულ თემებს მოერიდოთ და ნეიტრალურ საკითხებზე ილაპარაკოთ.

სასწორი

ეცადეთ, ეს დილა აუჩქარებლად გაატაროთ და მშვიდი სამუშაოსთვის განეწყოთ. ვარსკვლავები გაფრთხილებენ, რომ შეიძლება მოულოდნელი პრობლემები შეგექმნათ, მაგრამ მეგობრების დახმარებით, ყველაფერს დაძლევთ. შესაძლოა, ფანტასტიკურმა იდეებმა და გეგმებმა სერიოზულად გაგიტაცოთ, მაგრამ ეცადეთ, ღრუბლებიდან დაეშვათ და რეალურად იაზროვნოთ.

მორიელი

ამ დღეს ურთიერთობაში მეტი ტაქტი და თავშეკავება უნდა გამოიჩინოთ, რათა საყვარელი ადამიანი უხეშობით ან შეურაცხმყოფელი შენიშვნით არ გაანაწყენოთ. გახსოვდეთ, თუ რჩევას არ გთხოვენ, საკუთარი აზრი თქვენთვის უნდა შეინახოთ. ფინანსების გონივრული განაწილება საშუალებას მოგცემთ, რომ სასურველი ნივთებიც შეიძინოთ და უსარგებლო ხარჯები თავიდან აიცილოთ.

მშვილდოსანი

თქვენი განწყობა და მუშაობის საბოლოო შედეგი დამოკიდებულია იმაზე, თუ როგორ გაატარებთ დილას. ეცადეთ დილა მარტოობაში, მშვიდად გაატაროთ და სამუშაო რიტმში თანდათან ჩაერთოთ. შესაძლოა, ადამიანებმა, რომლებსაც დღეს შეხვდებით, თქვენი მოლოდინი არ გაამართლონ, სამაგიეროდ, საყვარელ ადამიანთან ურთიერთობებში ყველაფერი მშვენივრადაა.

თხის რქა

გახსოვდეთ, რომ სხვა ადამიანებზე ზეწოლა და თქვენი თვალსაზრისის თავზე მოხვევა სასურველი შედეგების მიღწევაში ვერ დაგეხმარებათ. თქვენთვის ჯობია, რომ გარშემო მყოფებს თავაზიანად მოექცეთ და თქვენ მიმართ კეთილად განაწყოთ. კარგი იქნება, თუ საკუთარი გეგმებისა და იდეების შესახებ პროფესიონალებს უამბობთ და მათ რჩევებს მუშაობაში გაითვალისწინებთ.

მერწყული

ხელსაყრელი დღეა სახლისა და ნივთების მოწესრიგებისთვის. ეცადეთ, საკუთარ აზრებსა და სურვილებში გაერკვეთ - ზოგმა საკითხმა აქტუალობა დაკარგა და დროსა და ენერგიას ტყუილად ხარჯავთ. სამსახურში აქტიურობა კარიერაში დადებით ცვლილებებს მოგიტანთ. ეცადეთ, საყვარელ ადამიანთან მეტი დრო გაატაროთ.

თევზები

ამ დღეს თქვენს მრავალმხრივ ნიჭს შეიძლება უამრავი გამოყენება მოუძებნოთ. საქმეს ჩვეულებრივზე ადვილად უმკლავდებით, ხოლო თქვენი გადაწყვეტილებები სიმარტივით და ეფექტურობით გამოირჩევა. ეცადეთ, ურთიერთობებში მეტი სიფრთხილე და წინდახედულობა გამოიჩინოთ, რადგან ვიღაც თქვენთან კონფლიქტისთვის მიზეზს ეძებს.

წყარო: ფანთაიმი