ძალიან დიდხანს ჯდომა კიბოს რისკს ზრდის?

კიბოს პრევენციის ერთ-ერთი გზა შეიძლება ისეთივე მარტივი იყოს, როგორც მოძრაობა.

კვლევებმა აჩვენა, რომ დღის განმავლობაში დიდი ხნის განმავლობაში ჯდომა ზრდის გარკვეული ტიპის კიბოს განვითარების შანსს, მათ შორის:

მსხვილი ნაწლავის კიბო;

საშვილოსნოს კიბო;

ფილტვის კიბო

ჯდომასა და დაავადებას შორის კავშირი არც ისე პირდაპირია, მაგრამ არსებობს გარკვეული ურთიერთქმედება, რასაც გვიჩვენებს კვლევები. ჭარბი წონა არის ერთ-ერთი ფაქტორი,რაცაკავშირებს ამ ორს. დადგენილია, რომ სიმსუქნე პასუხისმგებელია კიბოს ყველა დიაგნოზის 4%-დან 8%-მდე. ჯდომა კი სიმსუქნის რისკ-ფაქტორია.

ამ ყველაფერში მთავარი არის აქტიურობისა და წონის მართვის მნიშვნელობა.

და მიუხედავად იმისა, რომ აქ ყურადღება გამახვილებულია კიბოს რისკზე, უნდა აღინიშნოს, რომ უმოძრაო ჩვევები ასევე ზრდის გულის დაავადების, ტიპი 2 დიაბეტის და სხვა ჯანმრთელობის პრობლემების შანსს, რამაც შეიძლება დააზიანოს ჯანმრთელობა.

ბევრი სამუშაო მოიცავს მაგიდასთან დიდხანს ჯდომას. ექიმების რეკომენდაციით, უმჯობესია გადახედოთ როგორ გაატარებთ თქვენს დღეს ოფისში, იმოძრაოთ ოფისში მინიმუმ ხუთი წუთის განმავლობაში ყოველ საათში.

ამ მიზნის მისაღწევად მარტივი გზები მოიცავს:

ტელეფონზე საუბრისას დგომა და მოძრაობა.

ყოველ საათში ადექით ჭიქა წყალზე.

შეტყობინებების ან დარეკვის ნაცვლად თანამშრომლის მაგიდასთან პირადად სასაუბროდ წასვლა.

ლანჩის დროს მოკლე გასეირნება, მაგიდასთან ჭამის ნაცვლად.

იპოვეთ მარტივი რამ, რისი გაკეთებაც შეგიძლიათ მეტი გადაადგილებისთვის.

შეუძლია თუ არა ვარჯიშს გააქროს ხანგრძლივი ჯდომის გვერდითი ეფექტები?

ვარჯიში კარგია თქვენთვის. მოზრდილებისთვის რეკომენდებულია, კვირაში მინიმუმ 150 წუთი ზომიერი ინტენსივობის ფიზიკური აქტივობა. მაგრამ, ეს არ წაშლის ყველა ნეგატიურ ეფექტს, თუ რვა საათი გაატარეთ ჯდომაში დღის დასაწყისში.

უმოქმედობის პერიოდები კვლავ რისკის ქვეშ დაგაყენებთ. ის რასაც აკეთებთ მთელი დღის განმავლობაში გავლენას ახდენს თქვენს ჯანმრთელობაზე. თუ მჯდომარე ცხოვრების წესი გაქვთ, ვარჯიშის გარდა მთელი დღის განმავლობაში ჩართეთ მეტი აქტივობა და მოძრაობა.

გასათვალისწინებელია, რომ კიბო შეიძლება განვითარდეს მემკვიდრეობითი გენეტიკური მუტაციების შედეგად, რომლებზეც კონტროლი არ გაქვთ. მიზეზი შეიძლება იყოს გარემო ფაქტორები.

მაგრამ მოძრაობა ამცირებს კიბოს განვითარების შანსებს.

წყარო: მკურნალი.გე