როგორ გავუგოთ მოზარდს და ავუმაღლოთ თვითშეფასება
თქვენ არ შეგიძლიათ საკუთარი თავის შედარება სხვა ადამიანებთან. ამ ჩვევისგან თავის დაღწევა ადვილი არ არის. ჩვენს კულტურაში, სამწუხაროდ, ხშირია ადამიანების შედარება. მშობლები ადარებენ შვილებს სხვებს, მასწავლებლები ადარებენ მოსწავლეებს. ეს სრულიად უაზროა. ბავშვს უფრო ხშირად უნდა უთხრან, რომ ის უნიკალურია.
მიეცით საკუთარ თავს მარცხის უფლება. თუ დროდადრო ადამიანი რაღაცაში მარცხდება, ეს არ ნიშნავს, რომ ის სუსტია. ყველას აქვს ცხოვრებაში მარცხის მომენტები. არავინაა სრულყოფილი. ნუ გააკრიტიკებთ თქვენს მოზარდს, როცა ის რაღაცას არასწორად აკეთებს, არამედ დაეხმარეთ შეცდომების იდენტიფიცირებაში და იფიქრეთ იმაზე, თუ როგორ აიცილოთ თავიდან მსგავსი სიტუაციები მომავალში.
არ ინერვიულოთ იმაზე, თუ რას ფიქრობენ სხვები თქვენზე. ბევრი ადამიანი ნერვიულობს ახალ ადამიანებთან შეხვედრამდე. გაინტერესებთ, რას იფიქრებენ თქვენზე. ეს აზრები ზრდის შფოთვას. წაახალისეთ თქვენი მოზარდი, იაზროვნოს განსხვავებულად.
გამოწვევები. როდესაც ადამიანს აქვს ძლიერი თვითშეფასება, ის თავდაჯერებულად წყვეტს პრობლემებს, რომლებიც ცხოვრების გზაზე ხვდება. ის აღწევს წარმატებას და იზრდება მისი თვითშეფასება. ესაუბრეთ თქვენს შვილს იმ გამოწვევებზე, რომლის წინაშეც ყოველდღიურად დგას.
ნუ დაისახავთ მიუღწეველ მიზნებს. არაფერი უთხრის ძირს თავდაჯერებულობას ისე ძალიან, როგორც მიუღწეველი მიზნები. თუ თქვენი მოზარდი ბევრს ცდილობს, მაგრამ ისევ და ისევ მარცხდება, შესთავაზეთ მიზნის გადახედვა და უფრო ხშირად შეაქეთ.
ნუ დაადანაშაულებთ საკუთარ თავს, როცა ცხოვრებაში რაღაც არასწორად მიდის. დანაშაულის გრძნობა უარყოფითი გრძნობაა. ეს გაიძულებთ იფიქროთ: „მე არ ვარ კარგი“, „ცუდს ვაკეთებ“, „ცუდი ადამიანი ვარ“.
შეავსეთ ბედნიერების და მიღწევების სია. შეინახეთ სიები, რომლებიც დაგეხმარებათ კარგი გრძნობების დაგროვებაში, შენახვასა და თვითშეფასების ამაღლებაში. ჩაწერეთ დღიურში, რა გაგიხარდათ დღეს და რას მიაღწიეთ, თუნდაც ეს მცირე გამარჯვებები იყოს.
