12-18 თებერვალი - კვირის ასტროლოგიური პროგნოზი

კვირის ასტროლოგიური პროგნოზი:

ვერძი

კარგი დროა ახალი სამსახურის, საქმიანობის ან პროექტების დასაწყებად. მოიმატებს თქვენი ფიზიკური ამტანობა. სასიყვარულო ურთიერთობაში გაუგებრობისას ეცადეთ ყველა დეტალი მშვიდი საუბრით გაარკვიოთ.

კურო

ახალი შემოთავაზებები და პერსპექტივები მომხიბვლელი აღმოჩნდება და შესაძლოა დაგაფიქროთ ცვლილებებზე. არსებული სასიყვარულო კავშირი საჭიროებს ტრანსფორმაციას, რათა მომაბეზრებელი არ გახდეს. გადაადგილებები დადებითად აისახება განწყობაზე.

ტყუპები

თავს სანაქებოდ იგრძნობთ, რაც მშვიდად ცხოვრებისა და მუშაობის საშუალებას მოგცემთ. რთული საკითხების გადაწყვეტისას ეცადეთ წინასწარ იპოვოთ სწორი სიტყვები. საქმეებში მცირეოდენი რისკი გამართლებულია. კარგი დროა, საყვარელ ადამიანთან ერთად ბუნებაში მოსადუნებლად.

კირჩხიბი

მოერიდეთ მნიშვნელოვანი გადაწყვეტილებების მიღებასა და ახალი საქმეების დაწყებას. თუ არ აჩქარდებით და არ გარისკავთ, შესაძლოა ფინანსური მდგომარეობაც გაიუმჯობესოთ. მოგზაურობისას გამოიჩინეთ სიდინჯე და დაკვირვება.

ლომი 

თავს ენერგიულად იგრძნობთ და შესაძლოა ახალ საქმიან ურთიერთობას ჩაუყაროთ საფუძველი. ამ დროს გაცნობილი ხალხი კი კარგი მეგობრები გახდებიან. სასიყვარულო და საქორწინო ურთიერთობებში დროულად მიიღეთ გადაწყვეტილებები და დაიწყეთ მოქმედება.

ქალწული

სხვების იმედად ნუ იქნებით, ნუ მიენდობით უცხო ადამიანებსა და ახალ ნაცნობებს, მოერიდეთ ილუზიებს და პრაქტიკულად მიუდექით პირად და საქმიან მოვალეობებს. დაიცავით წესები და იყავით ყურადღებით.

სასწორი 

კარგი დროა საზოგადოებრივი და პოლიტიკური საქმიანობისთვის და ბევრ ხალხთან ურთიერთობისათვის. ეცადეთ კამათის გარეშე დაუმტკიცოთ საქმიან პარტნიორებს თქვენი შეხედულებების მართებულობა. პირად ცხოვრებაში შესაძლოა დამოკიდებული გახდეთ სასიყვარულო პარტნიორზე

მორიელი

მოიმატებს შემოქმედებითი პოტენციალი. რომანტიკული იქნებით, რაც გაზრდის სასიყვარულო პარტნიორის გაცნობის და ახალი ურთიერთობის დაწყების ალბათობას. ჯანმრთელობის გასაკაჟებლად კარგია ვარჯიში და ბუნებაში სეირნობა.

მშვილდოსანი 

კარგი დროა ახალი სამსახურის დაწყებისათვის. გაზრდილი შრომისუნარიანობა და ამტანობა, დაგეხმარებათ შემოქმედებითად მუშაობაში. თავშეკავება გმართებთ საწინააღმდეგო სქესის ადამიანებთან ურთიერთობისას. მოერიდეთ ხშირ გადაადგილებებსა და დიდ ფიზიკურ დატვირთვებს.

თხის რქა 

თავი შეიკავეთ ნაჩქარევი გადაწყვეტილებებისგან და გადაამოწმეთ მიღებული ინფორმაცია. ნებისმიერი რომანტიკული ურთიერთობა შესაძლოა დიდ გრძნობაში გადაიზარდოს. მგზავრობისა და დასვენებისას, შესაძლოა ახალ სასიყვარულო ურთიერთობას ჩაეყაროს საფუძველი.

მერწყული

თქვენს შრომასა და შემართებას სათანადოდ შეაფასებენ ხელმძღვანელი პირები. პირად ურთიერთობებში არაა გამორიცხული სიურპრიზები, სასიამოვნო გარდაქმნები. ჯანმრთელობის გასაუმჯობესებლად დადებით შედეგს გამოიღებს გამაჯანსაღებელი პროცედურების ჩატარება.

თევზები 

უამრავ საქმეს გაართმევთ თავს. ახალი ჩანაფიქრების განხორციელება მცირეოდენ რისკს საჭიროებს. ოჯახურ, სასიყვარულო და პარტნიორულ ურთიერთობებში მეტი მოთმინება გამოიჩინეთ. ერიდეთ მძიმე ფიზიკურ დატვირთვებს.