როგორ გავთავისუფლდეთ მუცლის არეში დაგროვილი ცხიმისგან?

კალიფორნიის უნივერსიტეტის თანამშრომლებმა დაადგინეს, რით უნდა ვიკვებოთ, რომ გავთავისუფლდეთ მუცლის

მიდამოს ცხიმისაგან. მეცნიერები „კარდიოლოგიურ დიეტას“ გვირჩევენ. ეს გულისხმობს უჯრედისით მდიდარ პროდუქტებს (ქატო, ბურღულეული, პარკოსნები, სოკო, ნიგოზი, ბოსტნეული და ხილი) და ნაჯერი ცხიმების მაქსიმალურად შემცირებას (ბეკონი, სოსისი, შემწვარი ცხიმიანი ხორცი, ნამცხვრები, ფასტფუდი). დადებითად მოქმედებს ხმელთაშუაზღვის დიეტის პროდუქტებიც (ზეითუნის ზეთი, თევზი, მარცვლოვნები).

წელის არეში დაგროვებული ცხიმი ჯანმრთელობისთვის საშიშია. სხეულის საერთო მასის მიუხედავად, წელის არეში ცხიმი ზრდის გულსისხლძარღვთა სისტემის დაავადებების, დიაბეტისა და მეტაბოლური სინდრომის რისკს. ეს ეხება ქალებს 86 სმ და მამაკაცებს 100სმ-ზე მეტი წელის გარშემოწერილობით.

ისრაელის მეცნიერების აზრით კი, ხმელთაშუაზღვის პროდუქტების რაციონი, კვირაში მხოლოდ სამჯერ, ხელს უწყობს გულისა და ღვიძლის ირგვლივ ცხიმის შრის შემცირებას. გარდა ამისა, 18 თვის განმავლობაში დიეტის დაცვის შემთხვევაში, რომელიც მოიცავს ბევრ ხილს, ბოსტნეულსა და ნიგოზს, მნიშვნელოვნად მცირდება წელის გარშემოწერილობაც.

წყარო: მკურნალი.გე