27 თებერვლის ასტროლოგიური პროგნოზი ზოდიაქოს ყველა ნიშნისთვის

რას გვირჩევენ ვარსკვლავები 27 თებერვლისთვის ჯანმრთელობის, ბიზნესის და სიყვარულის მიმართულებით?

ვერძი

ამ დღეს გარემოებები თქვენ სასარგებლოდ არ განვითარდება, ამიტომ გირჩევთ, ყველა მნიშვნელოვანი საქმე სხვა დროისთვის გადადოთ. სხვა შემთხვევაში, ყოველი ფეხის ნაბიჯზე დაბრკოლებებს წააწყდებით და საქმეს ვერ დაასრულებთ. ვარსკვლავები სასიამოვნო შეხვედრებს გპირდებიან, ამიტომ ყველა მიწვევა უნდა მიიღოთ. ნუ დაივიწყებთ პირობას, რომელიც მეგობარს მიეცით - მისი ასრულების დროა.

კურო

დროა, ძველი პირობის შესრულებაზე იზრუნოთ. თუ ამას არ იზამთ, მოულოდნელი პრობლემებისთვის ან კოლეგებთან უსიამოვნო სიტუაციისთვის უნდა მოემზადოთ. ამ დღეს შეიძლება შეხვდეთ ადამიანს, ვინც თქვენს მომავალზე გავლენას მოახდენს. გახსოვდეთ, რომ ახალი ცოდნის დაუფლება კარიერულ წინსვლასა და შემოსავლის ზრდაში დაგეხმარებათ.

ტყუპები

გახსოვდეთ, რომ სამუშაო დღე დილიდან იწყება, ამიტომ სირთულეებისთვის გაღვიძებისთანავე უნდა მოემზადოთ. მალე შენიშნავთ, რომ ამ დღეს პრობლემები არსაიდან, ფაქტობრივად, ცარიელ ადგილზე წარმოიქმნება, მაგრამ ეცადეთ ემოციები აკონტროლოთ და სიმშვიდე შეინარჩუნოთ. სავარაუდოდ, გეგმების შეცვლა და ახალ გარემოებებში მოქმედება მოგიწევთ, ამიტომ ნურაფერს დაგეგმავთ.

კირჩხიბი

ამ დღის მოვლენები გაიძულებთ, რომ ზოგიერთ საკითხს სხვა თვალით შეხედოთ და მათ მიმართ დამოკიდებულება შეცვალოთ. ნუ დანებდებით, თუ ყველაფერი თქვენი გეგმის მიხედვით არ ხდება. ამ დღეს თქვენს მონდომებასა და აქტიურობაზე ბევრი რამ არის დამოკიდებული. გირჩევთ, საყვარელ ადამიანებს გულწრფელად ესაუბროთ და შექმნილი პრობლემები ერთობლივი მოქმედებებით დაძლიოთ.

ლომი

ამ დღეს მნიშვნელოვან საქმეზე მუშაობა მოგიწევთ, ამიტომ ყურადღება რომ არაფერმა გაგიფანტოთ, ეცადეთ, ურთიერთობები შეზღუდოთ და განმარტოებით იმუშაოთ. ვარსკვლავები გირჩევენ, რომ ერთხელ არჩეულ გზას არ გადაუხვიოთ და არ იზარმაცოთ. შესაძლოა, წარსულის ზოგმა პრობლემამ თავი შეგახსენოთ და მათი თავიდან მოგვარება მოგიწიოთ.

ქალწული

უსმინეთ ინტუიციას და ის გიკარნახებთ რომელი მიმართულებით უნდა იმოძრაოთ, რათა ცხოვრებაში ჰარმონია იპოვოთ და წარმატებას მიაღწიოთ. დროა გატკეპნილი ბილიკიდან გადაუხვიოთ და მუშაობა ექსპერიმენტებითა და არატრადიციული მეთოდებით გააგრძელოთ.

სასწორი

ამ დღეს საუბრის თუ კამათის დროს ყურადღება მიაქციეთ თანამოსაუბრეების ფარულ ქვეტექსტს და ინტონაციას, რათა რაღაც მნიშვნელოვანი არ გამოგეპაროთ. ცდუნებებს ნუ აჰყვებით, თორემ მალე უსიამოვნო სიტუაციაში აღმოჩნდებით. ეცადეთ, კომპრომისების პოვნა ისწავლოთ, რომ კონფლიქტური სიტუაციები თავიდან აიცილოთ. უახლოეს ხანებში დაუგეგმავი ხარჯები გელით, ამიტომ ფული ეკონომიურად ხარჯეთ.

მორიელი

გირჩევთ, ვალები დროულად დაფაროთ და დაპირებები შეასრულოთ. გახსოვდეთ, ცხოვრება ბევრად უფრო ადვილია, როდესაც საკუთარ განცდებს ან საზრუნავს საყვარელ ადამიანებს უზიარებთ. კოლეგებთან ურთიერთობა და მათი რჩევები რთული საქმის წარმატებით დასრულებაში დაგეხმარებათ.

მშვილდოსანი

ამ დღეს მხოლოდ ერთი ყველაზე მნიშვნელოვანი საქმე უნდა აკეთოთ და ყველაფერი სხვა სამომავლოდ გადადოთ. უსარგებლო საუბრებზე დროს ნუ დაკარგავთ, თორემ ჩანაფიქრის განხორციელებას ვერ შეძლებთ. გირჩევთ, ღრუბლებიდან დაეშვათ და ყველა საკითხს პრაქტიკულად მიუდგეთ. შესაძლოა, მნიშვნელოვანი სიზმარი ნახოთ და ეცადეთ, დაიმახსოვროთ.

თხის რქა

წვრილმანი დავალებები სამომავლოდ გადადეთ და დიდი ხნის წინ თაროზე შემოდებულ საქმეებს მიხედეთ. ვარსკვლავები გირჩევენ, რომ არ გადაიღალოთ, ხშირად დაისვენოთ და ყურადღება სასიამოვნო საკითხებზე გადაიტანოთ. გაითვალისწინეთ, რომ გადაღლა მნიშვნელოვანი საქმეების დასრულებაში ხელს შეგიშლით. დაუფიქრებლად არაფერი თქვათ, რადგან შეიძლება შემთხვევითი ფრაზით ან შენიშვნით უნებურად ვიღაც შეურაცხყოთ.

მერწყული

ნათქვამის აზრს რომ ჩასწვდეთ, თანამოსაუბრის განწყობას დააკვირდით. შესაძლოა, ვიღაც თქვენთვის სიმართლის დამალვას ან არასწორი ინფორმაციის მოწოდებას ცდილობს. ძველი მეგობრები დაგეხმარებიან, ემოციურად განიტვირთოთ და სამსახურის პრობლემები დაივიწყოთ.

თევზები

ამ დღეს ყველა საუბარი ლაკონიური და საქმიანი უნდა იყოს. ბევრი ლაპარაკი ძვირფას დროს წაგართმევთ. ზოგი მიმართულებით დაბრკოლება გელით და მის დასაძლევად დიდი ძალისხმევა მოგიწევთ.

წყარო: ფანთაიმი