14 მარტის ასტროლოგიური პროგნოზი ზოდიაქოს ყველა ნიშნისთვის

რას გვირჩევენ ვარსკვლავები 14 მარტისთვის ჯანმრთელობის, ბიზნესის და სიყვარულის მიმართულებით?

ვერძი

გართულებებისა და დაძაბულობის თავიდან ასაცილებლად მეტი მოქნილობა და დიპლომატიური უნარები უნდა გამოავლინოთ. ყურადღება მიაქციეთ ჯანმრთელობის მდგომარეობას. ეცადეთ, დატვირთვა შეამციროთ და მეტი დაისვენოთ. დღის უდიდესი ნაწილი მოსაწყენი სამუშაოს შესრულება მოგიწევთ, მაგრამ მიზნის მისაღწევად ეს მნიშვნელოვანი იქნება.

კურო

ცდილობთ, ყველა საკითხს შემოქმედებითად მიუდგეთ, თუმცა, ვარსკვლავები გაფრთხილებენ, რომ ლოგიკისა და რაციონალური მეთოდების გამოყენება ბევრად უფრო ეფექტიანი იქნება. ნურაფერს დაგეგმავთ. მოვლენები იმდენად სწრაფად იცვლება, რომ ყველაფრის შეცვლა მოგიწევთ. ეცადეთ, გარშემო მყოფი ადამიანების განწყობა გაითვალისწინოთ, რათა თქვენი ერთობლივი საქმიანობა ნაყოფიერი იყოს.

ტყუპები

გირჩევთ, რჩევისა და დახმარებისთვის გამოცდილ კოლეგებს მიმართოთ. „უცხო თვალი“ შეცდომების თავიდან აცილებასა და მიზნების მიღწევაში დაგეხმარებათ. სამყარო ახალ შესაძლებლობებს გთავაზობთ და აუცილებლად უნდა ისარგებლოთ. სასურველია, გაზაფხულისთვის ახალი სტილი და ვარცხნილობა შეარჩიოთ.

კირჩხიბი

ხანმოკლე მოგზაურობა და მხიარული თავგადასავალი უამრავ სასიამოვნო ემოციას და დაუვიწყარ შთაბეჭდილებებს გაჩუქებთ. შესაძლოა, ისეთ ადგილზე მოხვდეთ, სადაც აქამდე არასოდეს ყოფილხართ და საინტერესო ადამიანები გაიცნოთ. გამორიცხული არ არის, რომ ახლობელმა ადამიანმა იმედი გაგიცრუოთ. დროა, გეგმების შეცვლაზე და განვითარების ახალი გზების პოვნაზე იფიქროთ.

ლომი

თქვენს სამუშაო მაგიდაზე ბევრი წვრილმანი პრობლემა დაგროვდა, რომელიც ყურადღებას გიფანტავთ და მუშაობაში ხელს გიშლით. ეცადეთ, ეს საკითხი ერთხელ და საბოლოოდ გადაჭრათ და მთელი ყურადღება ახალ ამოცანებზე გადაიტანოთ. დღის მეორე ნახევარში მოგიწევთ იმაზე ფიქრი, საკუთარი ფინანსები როგორ გაზარდოთ და შეინარჩუნოთ. სიყვარულის აღიარების ნუ შეგეშინდებათ, თუ ამას ნამდვილად გრძნობთ.

ქალწული

დროა, თქვენთვის მნიშვნელოვანი საკითხები ბიზნესპარტნიორებთან ერთად განიხილოთ. მათი რჩევები ან წინადადებები გაიძულებთ, ბევრი საკითხზე თუ ადამიანზე აზრი შეიცვალოთ. ეცადეთ, ნაკლები იაქტიუროთ და დამკვირვებლის პოზიციას დასჯერდეთ. არ ჩაერიოთ მოვლენებში, რომლებიც თქვენ გარშემო განვითარდა და სიმშვიდე შეინარჩუნეთ.

სასწორი

თუ შესაძლებელია, ეცადეთ ურთიერთობები შეზღუდოთ და მთელი დღე მარტო გაატაროთ. ვარსკვლავების არახელსაყრელი განლაგების გამო საერთო ენას უახლოეს ადამიანებთანაც კი ვერ პოულობთ, ამიტომ უბრალო კამათმა შეიძლება კონფლიქტი გამოიწვიოს. მოგიწევთ ადაპტაცია ცვლილებებთან, რომლებიც ყოველთვის სასიამოვნო არ იქნება.

მორიელი

მარტში ყველაზე მთავარია, სახლში ხელსაყრელი გარემო და ენერგეტიკა შექმნათ. ხელსაყრელ გარემოში უფრო ადვილად იმუშავებთ, დაისვენებთ და ძალებს აღიდგენთ. მთავარია, ცუდ ფიქრებს არ აჰყვეთ და ირგვლივ მყოფები ნეგატიური აზრებით არ დამუხტოთ.

მშვილდოსანი

ვარსკვლავები გირჩევენ, რომ პირად ცხოვრებაში მეტი იაქტიუროთ და საყვარელ ადამიანს თქვენი განცდების შესახებ უამბოთ. პროფესიულ საქმიანობაში უკიდურესად ფრთხილად უნდა იყოთ, რათა შეცდომები არ დაუშვათ. მეტი გულისხმიერება უნდა გამოიჩინოთ ნათესავების, მეგობრებისა და საყვარელი ადამიანის მიმართ. ნებისმიერი სიკეთე უახლოეს მომავალში ორმაგად დაგიბრუნდებათ.

თხის რქა

გარემოებები შეიძლება ისე განვითარდეს, რომ ახლობელმა ადამიანმა თქვენთვის მოცემული პირობა ვერ შეასრულოს და თქვენი მოლოდინი ვერ გაამართლოს. უსაფუძვლო ეჭვების გამო ნაადრევი დასკვნები არ უნდა გამოიტანოთ და თქვენთვის ძვირფასი ურთიერთობები არ უნდა გააფუჭოთ. იღბალი თქვენს მხარეზეა, თუ არ იზარმაცებთ, შეიძლება ოცნება აისრულოთ.

მერწყული

შესაძლოა, მანიპულატორების მსხვერპლად იქცეთ. ვიღაც ეცდება, თქვენი სიკეთით ან შესაძლებლობებით ისარგებლოს. ვარსკვლავები გირჩევენ, რომ ყველას და ყველაფერს ეჭვით შეხედოთ. განსაკუთრებით მლიქვნელ ადამიანებს მოერიდეთ. იზრუნეთ საკუთარ ჯანმრთელობაზე - ფეხით მეტი იარეთ, ახალი ბოსტნეული და ხილი მიირთვით. კარგი იქნება, თუ უკიდურესობაში არ გადავარდებით და ყველაფერში ზომიერებას დაიცავთ.

თევზები

ამ დღეს საკუთარი წარმატებებისა და გამარჯვებების შესახებ საუბარს უნდა მოერიდოთ - შეიძლება ვიღაცას თქვენი შეშურდეს და მახე დაგიგოთ. სავარაუდოდ, ვიღაცის საიდუმლოს გაიგებთ, მაგრამ არავის გაუზიაროთ. მნიშვნელოვანი გადაწყვეტილება დაყოვნებისა და შიშის გარეშე მიიღეთ. საოჯახო საქმეებში აჯობებს, თუ საკუთარ პასუხისმგებლობას სხვას არ გადააბარებთ.

წყარო: ფანთაიმი