რატომ გახშირდა ალერგიული დაავადებები

აშშ-ს მკვლევარებმა გამოარკვიეს, რომ ძველი ყაიდით მცხოვრები დედების

(რომლებიც ეწევიან ტრადიციულ სოფლის ცხოვრებას) რძე შეიცავს გავრცელებული ალერგენების, ოთახის მტვერისა და ცხოველებთან დაკავშირებული ბაქტერიების საწინააღმდეგო მეტ ანტისხეულს. ამ კვლევით შეიძლება აიხსნას ალერგიით ავადობის ზრდა მთელ მსოფლიოში.

XX საუკუნის დასაწყისამდე ალერგია იშვიათ დაავადებად ითვლებოდა. თუმცა XX საუკუნის მეორე მეოთხედიდან დაწყებული აღინიშნება ავადობის მატება. ტრადიციული სოფლის ცხოვრებით მცხოვრებ საზოგადოებაში ალერგიული დაავადებები გაცილებით ნაკლებადაა გავრცელებული.

ამერიკელმა მეცნიერებმა გამოიკვლიეს სოფლის ცხოვრებით მცხოვრები 52 დედის რძე და ბავშვები 2 კვირიდან 6 თვემდე. მათ გაზომეს დედის რძეში IgA ანტისხეულების, ოლიგოსაქარიდების, ციტოკინებისა და ცხიმოვანი მჟავების მეტაბოლიტების შემცველობა, რომლებიც მნიშვნელოვან როლს ასრულებენ ფილტვებისა და ნაწლავების დაცვაში. რიბოსომული რნმ-ის სეკვენირებამ მკვლევარებს საშუალება მისცა დაედგინათ რომელი ბაქტერიები გადაეცემოდა ბავშვს დედის რძით.

როგორც მოსალოდნელი იყო, მენონიტებში აღინიშნებოდა ალერგიის ნაკლები შემთხვევა, ისინი უფრო მეტად ურთიერთობდნენ ცხოველებთან, ხშირად იყენებდნენ ქლორს და ნაკლებად ანტიბიოტიკებსა და პესტიციდებს. მათ დედის რძეში უფრო მეტი აღმოჩნდა IgA1 და IgA2 ანტისხეულები, ოლიგოსაქარიდები, ცხიმოვანი მჟავები ასევე Prevotellaceae, Veillonellaceae და Micrococcacea ბაქტერიები. მკვლევარების აზრით, ეს კომპონენტები ეხმარება ახალშობილების ნაწლავის განვითარებადი მიკრობიომისა და იმუნური სისტემის „პროგრამირებაში“. ამგვარად ბავშვები ალერგიისგან დაცულები არიან.

წყარო: მკურნალი.გე