როდის იწვევს მაღალი წნევა თავის ტკივილს?

თავის ტკივილი შეიძლება გამოვლინდეს არტერიული წნევის მკვეთრი მატებით, მაგრამ ყველაზე ხშირად ეს დამოუკიდებელი დაავადებაა.

მაღალი წნევა ტკივილს არ იწვევს. ამიტომ, ადამიანების უმეტესობა არ მიმართავს ექიმს ჰიპერტენზიის დროს.

თავის ტკივილი შეიძლება განვითარდეს არტერიული წნევის მკვეთრი, უეცარი მატებისას მაღალ რიცხვებამდე.

ყველაზე ხშირად, თავის ტკივილი დამოუკიდებელი დაავადებაა. სტატისტიკის მიხედვით, მოსახლეობის ზოგიერთ ჯგუფში ადამიანების 70%-ზე მეტს აწუხებს დაძაბულობის თავის ტკივილი, 7%-ს - მედიკამენტების გადაჭარბებული მოხმარებით გამოწვეული თავის ტკივილი; 20%-ზე მეტს - შაკიკით გამოწვეული თავის ტკივილი.

მიუხედავად იმისა, რომ ზოგჯერ არტერიული წნევა უსიმპტომოა, წნევა მაინც აზიანებს სამიზნე ორგანოებს:

გული,

თირკმელები,

ტვინი,

თვალები.

მუდმივად მაღალი წნევა ართულებს გულიდან სისხლის გადატუმბვას. ამის კომპენსაციისთვის ორგანო სქელდება. ეს იწვევს გულის არარეგულარულ რიტმს, ზრდის გულის შეტევის, გულის უკმარისობის და უეცარი სიკვდილის რისკს. ჰიპერტენზია ასევე აზიანებს სისხლძარღვებს, ამძიმებს ათეროსკლეროზს და ამცირებს მათ ელასტიურობას. მაღალი წნევა აზიანებს თირკმელებს და შეიძლება გამოიწვიოს თირკმლის უკმარისობა.

ხოლო სასქესო ასოს არტერიაზე ზემოქმედებამ შეიძლება გამოიწვიოს ერექციის პრობლემები.

ჰიპერტენზიის მქონე ქალებს შეიძლება აწუხებდეთ საშოს სიმშრალე და ლიბიდოს დაქვეითება.

მუდმივი მაღალი წნევით ყველაზე დიდი სისხლძარღვი, აორტა, განიცდის სტრესს და იწყებს გაფართოებას გარკვეულ ადგილებში, ყალიბდება ანევრიზმა. თუ ანევრიზმა გასკდება, არსებობს სისხლდენის და სიკვდილის მაღალი რისკი.

ჰიპერტენზია ასევე მოქმედებს ტვინზე, ზრდის ტრანზიტორული იშემიური შეტევის (თავის ტვინის ნაწილის სისხლის მიწოდების მოკლევადიანი ბლოკირება) ან ინსულტის რისკს, ამცირებს ფსიქიკური რეაქციების სიჩქარეს და აქვეითებს მეხსიერებას, გარდა ამისა, შეიძლება გამოიწვიოს მხედველობის დარღვევა მის სრულ დაკარგვამდე.

წყარო: მკურნალი