რატომ ცოცხლობენ მამაკაცები ქალებთან შედარებით ნაკლებს

შვედმა მეცნიერებმა ბოლოს და ბოლოს გაარკვიეს მიზეზი, რომლის გამოც მამაკაცები ქალებთან შედარებით საშუალოდ 7,5 წლით ნაკლებს ცოცხლობენ. 1600 პენსიონერის გამოკვლევით დაადგინეს, რომ ძლიერი სქესის წარმომადგენლებთან სწორედ Y ქრომოსომის დაკარგვა ახდენს გავლენას არა მხოლოდ მამაკაცთა სიცოცხლის ხანგრძლივობაზე, არამედ ონკოლოგიურ დაავადებათა აღმოცენებაზეც.

კვლევებით გაირკვა, რომ თუ Y ქრომოსომის დანაკარგი გარკვეულ დონეს აჭარბებს, მამაკაცები გაცილებით ადრე ასრულებენ სიცოცხლეს.

მოგეხსენებათ,ქრომოსომები უჯრედის ბირთვშია მოთავსებული. მათში თავმოყრილია მემკვიდრული ინფორმაცია. სწორედ ამ ინფორმაციის შენახვის, რეალიზაციისა და გადაცემის ფუნქცია აქვთ ქრომოსომებს. ქალებს ორი X ქრომოსომა აქვთ, მამაკაცებს კი - ერთი X და ერთი Y ქრომოსომა.

როგორც არ უნდა გაგიკვირდეთ, მეცნიერთა განცხადებით, Y ქრომოსომა ქალის X ქრომოსომის მუტაციის შედეგია და აღმოცენების მომენტიდანვე დეფექტური ქრომოსომის როლს თამაშობს.

წყარო: მკურნალი.გე