„ფეხით მოსიარულეებს ვათვალიერებინებ ფოტოებს, 5-ს ჰქონდა ინფორმაცია. ძებნის ეს გზა ძალიან ეფექტურია“ - გიორგი გახელაძის ოჯახის ახლობელი

გიორგი გახელაძესთან დაკავშირებით, ახლობელი სოციალურ ქსელში ახალ ინფორმაციას ავრცელებს და წერს, რომ დიდ დიღომში კერძო დასახლებაში ფეხით მოსიარულეებს დაკარგულის ფოტოებს აჩვენებს. მისივე ცნობით, ეს მეთოდი  ეფექტურია: 

„1 საათია, დიდ დიღომში კერძო დასახლებაში ფეხით მოსიარულეებს ვათვალიერებინებ ფოტოებს და ვთხოვ 112-ში დარეკონ, თუ სადმე შეამჩნევენ. 25-მდე პიროვნებიდან 5-ს ქონდა ინფორმაცია, რაც ჩემთვის დამაიმედებელი შედეგია!

ვფიქრობ, ძებნის ეს გზა ძალიან ეფექტურია და მოგიწოდებთ ანალოგიურად მოიქცეთ - აჩვენეთ ფოტოები უცნობ ადამიანებს ყველგან: ტრანსპორტში, გაჩერებებზე, პარკებში, ...

სხვა ფოტოები შეგიძლიათ ნახოთ მონიშნულ პროფილებზე.

P.S. ქუდი რომ ახურავს ფოტოზე, ამ ტანსაცმლით უნდა იყოს, სავარაუდოდ." - წერს ახლობელი სოციალურ ქსელში.

პროფესორ გიორგი გახელაძის მოსაძებნად დღეს თბილისის ყველა უბანში  მოქალაქეების ჯგუფები შეიკრიბა. ძებნის ოპერაციაში  ჩაერთნენ მოლაშქრეებიც.  

შეგახსენებთ, რომ გიორგი გახელაძეს უკვე  მეოთხე დღეა, ეძებენ.