საქართველოს ნაკრების ფეხბურთელების ღია ავტობუსმა თავისუფლების მოედნისკენ მსვლელობა დაიწყო
საქართველოს ნაკრების ფეხბურთელების ღია ავტობუსმა თავისუფლების მოედნისკენ მსვლელობა დაიწყო. გულშემატკივართა ნაწილი მათ მიხეილ მესხის სტადიონთან დახვდა, ნაწილი კი თავისუფლების მოედანზეა შეკრებილი, სადაც ავტობუსი გაჩერდება და დასკვნითი ღონისძიებები გაიმართება.
საქართველოს ეროვნულმა საფეხბურთო ნაკრებმა თავის პირველ ევროპის ჩემპიონატში ასპარეზობა ესპანეთის წინააღმდეგ მერვედფინალურ ეტაპზე დაასრულა. ესპანეთის ნაკრებმა საქართველოს ნაკრებს სძლია და მეოთხედფინალის საგზური მოიპოვა. ნაკრებებს შორის შეხვედრა 4:1 დასრულდა.
