"საჯარო სამსახურები იღვიძებენ!" - პრეზიდენტი საგარეო უწყების თანამშრომლების განცხადებას ეხმაურება
საჯარო სამსახურები იღვიძებენ! - ასე ეხმაურება საქართველოს პრეზიდენტი, სალომე ზურაბიშვილი საგარეო საქმეთა სამინისტროს თანამშრომლების მიერ გავრცელებულ განცხადებას, სადაც საჯარო მოხელეები ევროკავშირზე მთავრობის განცხადებას ემიჯნებიან.
"საქართველო აპროტესტებს: საჯარო სამსახურები იღვიძებენ! საქართველოს საგარეო საქმეთა სამინისტროს 44 საჯარო მოსამსახურე განცხადებას ავრცელებს, სადაც დღევანდელ, საქართველოს ეროვნული ინტერესების წინააღმდეგ მიმართულ ანტიევროპულ განცხადებას აკრიტიკებს", - წერს სალომე ზურაბიშვილი.
