ბიძინა ივანიშვილი და ეკატერინე ხვედელიძე ლიანა ისაკაძის ოჯახს სამძიმარს უცხადებენ
ღრმა მწუხარებას გამოვხატავთ გამორჩეული მუსიკოსის, მევიოლინე ლიანა ისაკაძის გარდაცვალების გამო, – ამის შესახებ აღნიშნულია ბიძინა ივანიშვილის და მისი მეუღლის, ეკატერინე ხვედელიძის სამძიმრის წერილში.
ბიძინა ივანიშვილი და ეკატერინე ხვედელიძე ლიანა ისაკაძის ოჯახს სამძიმარს უცხადებენ.
„ლიანა ისაკაძე გახლდათ თანამედროვეობის ერთ-ერთი თვალსაჩინო მევიოლინე, უდიდესია მისი წვლილი მუსიკალური ხელოვნების განვითარების, პოპულარიზაციის საქმეში. მისი შესრულება გამოირჩეოდა არტისტიზმით, ღრმა მუსიკალურობითა და ვირტუოზულობით.
საქართველოს სახალხო არტისტს სხვა უმნიშვნელოვანეს ჯილდოებთან ერთად მიღებული აქვს ღირსების ორდენი, თბილისისა და ბათუმის საპატიო მოქალაქის წოდება.
გულწრფელ სამძიმარს და თანადგომას ვუცხადებთ ქალბატონი ლიანა ისაკაძის ოჯახს, ახლობლებს, კოლეგებსა და მთელ ჩვენს საზოგადოებას“, – აღნიშნულია სამძიმრის წერილში.
მუსიკოსი, მევიოლინე ლიანა ისაკაძე 78 წლის ასაკში გარდაიცვალა.
