ზოდიაქოს 4 ნიშანი, რომლებსაც 9-16 სექტემბრის კვირა მნიშვნელოვან ცვლილებებს მოუტანს

9-16 სექტემბრის კვირაში რამდენიმე მნიშვნელოვანი ასტროლოგიური მოვლენა მოხდება, რაც, როგორც ასტროლოგები ამბობენ, თითოეული ადამიანის ცხოვრებაზე დიდ გავლენას მოახდენს. აღსანიშნავია, რომ მიმდინარე კვირაში პლანეტა მერკური ქალწულის ნიშანში გადავა, რაც კომუნიკაციასა და მოლაპარაკებებს უფრო კონსტრუქციულსა და რაციონალურს გახდის. ხოლო, იუპიტერსა და ვენერას შორის ტრინი კომუნიკაციის პროცესს კიდევ უფრო მეტად გააუმჯობესებს. ზოდიაქოს ეს 4 ნიშანი კი ამ კვირაში ყველაზე მეტ ცვლილებას იგრძნობს:

ქალწული

პლანეტა მერკური სწორედ ამ თანავარსკვლავედის მმართველია. ამიტომაც, როდესაც ის ქალწულის ნიშანში გადადის, ზოდიაქოს ამ ნიშნის წარმომადგენლები საზოგადოებაში თავს ბევრად ბუნებრივად და თავისუფლად გრძნობენ. მიმდინარე კვირაში საკუთარი თავის გამოხატვისათვის ყველაზე კარგი პერიოდი გაქვთ. არ არის გამორიცხული, სადმე სიტყვით გამოხვიდეთ, ინტერვიუ ან რაიმე სახის მოლაპარაკებები დაგეგმოთ. გაზრდილი თავდაჯერებულობა დაგეხმარებათ, თქვენი შესაძლებლობები სწორად გამოხატოთ, მიიღოთ ახალი შეთავაზებები და გეგმები წარმატებით განახორციელოთ.

სასწორი

პლანეტა ვენერა თქვენი ნიშნიდან ტყუპებთან და იუპიტერთან ტრინს ქმნის. მიმდინარე დღეებში ხშირად მოგიწევთ, დიპლომატიური უნარები გამოავლინოთ და მიზნებს სწორედ მოლაპარაკებების გზით მიაღწიოთ. ასევე, შესაძლოა, ამ კვირაში რაიმე ძალიან სერიოზული მოაგვაროთ, ჩააბაროთ გამოცდა ან მიიღოთ ისეთი რჩევა, რაც ნამდვილად გამოგადგებათ.

ტყუპები

თქვენი ნიშნიდან იუპიტერი ვენერასთან ტრინს ქმნის. ეს კომბინაცია კი გავლენას ოჯახის, რომანტიკისა და საქმიანი ურთიერთობების სფეროზე მოახდენს. კვირის განმავლობაში, განსაკუთრებით ბოლოსთვის, მნიშვნელოვანი კომუნიკაცია გექნებათ ადამიანთან, რომელიც დაწინაურებასთან დაკავშირებული პროექტის განხორციელებაში ან პროცესის წინსვლაში, თქვენი საქმიანობის რეკლამირებაში დაგეხმარებათ.

კურო

ამ კვირაში კუროს ნიშნის წარმომადგენლებს მოუწევთ, ფინანსებთან დაკავშირებული საკითხები მოაგვარონ. შესაძლოა, ამის გამო ბუღალტერთან, თქვენს უფროსთან ან კიდევ თანამშრომლებთან შეხვედრა მოგიწიოთ და სიახლეები განიხილოთ. როგორც ასტროლოგები ამბობენ, პროცესი თქვენ სასარგებლოდ გადაწყდება.