სლოვაკეთში სკოლის მოსწავლე თანაკლასელებსა და მასწავლებელს დანით თავს დაესხა - დაღუპულია ორი ადამიანი
სლოვაკეთის ჩრდილოეთში, სპისკა სტარა ვესის დასახლებაში სკოლის მოსწავლე ორ თანაკლასელსა და მასწავლებელს ცივი იარაღით თავს დაესხა. ინფორმაციას ამის შესახებ „როიტერი“ ავრცელებს.
მედიის ცნობით, შემთხვევის შედეგად დაღუპულია ორი ადამიანი. თავდამსხმელი პოლიციამ მალევე დააკავა.
ამ დროისთვის უცნობია, არიან თუ არა სხვა დაშავებულებიც. თავდასხმის მოტივი ჯერჯერობით ცნობილი არ არის.
შემთხვევის ადგილზე გაემგზავრნენ ქვეყნის შინაგან საქმეთა და განათლების მინისტრები.
