იმედი მაქვს, რომ ჩინეთი დაგვეხმარება რუსეთსა და უკრაინას შორის კონფლიქტის დასრულებაში - ტრამპი
აშშ-ის პრეზიდენტმა, დონალდ ტრამპმა იმედი გამოთქვა, რომ ჩინეთი მნიშვნელოვან კონსტრუქციულ როლს შეასრულებს რუსეთსა და უკრაინას შორის კონფლიქტის დასრულებაში.
„ჩვენ ყოველთვის გვქონდა შესანიშნავი ურთიერთობა [ჩინეთთან] და ველი ნაყოფიერ თანამშრომლობას. იმედი მაქვს, რომ ჩინეთი დაგვეხმარება რუსეთსა და უკრაინას შორის კონფლიქტის დასრულებაში. მათ დიდი გავლენა აქვთ ამ სიტუაციაზე და ჩვენ ვიმუშავებთ მათთან ამ საკითხზე“, - აღნიშნა ტრამპმა დავოსში მსოფლიო ეკონომიკურ ფორუმზე ონლაინ-რეჟიმში სიტყვით გამოსვლისას.
