პარლამენტის წინ აქცია მიმდინარეობს - რუსთაველის გამზირი გადაკეტილია
რუსთაველის გამზირზე აქცია განახლდა. პარლამენტთან შეკრებილებს პროტესტის ის მონაწილეები შეუერთდნენ, რომლებმაც თბილისის სახელმწიფო უნივერსიტეტთან აქცია გამართეს.
მოძრაობა „დაფიონის“ დამფუძნებლის, ზვიად ცეცხლაძის მხარდასაჭერი აქცია-მსვლელობა თსუ-დან დაიწყო, შემდეგ გმირთა მოედანზე გადაინაცვლა, სადაც მათ აქციის ის მონაწილეები შეუერთდნენ, რომლებმაც საზოგადოებრივ მაუწყებელთან გამართეს აქცია.
აქციის მონაწილეების მოთხოვნებია, აქციების დროს დაკავებულების გათავისუფლება და ახალი არჩევნების დანიშვნა.
