რუსებმა მრავალსართულიან საცხოვრებელ კორპუსს დაარტყეს - დაღუპულია 9 ადამიანი
რუსმა საოკუპაციო ძალებმა უკრაინის ქალაქ სუმიში მდებარე მრავალსართულიან საცხოვრებელ კორპუსს დაარტყეს - მედიის ცნობით, იერიშის მიტანის შედეგად 9 ადამიანი დაიღუპა, 13 დაშავდა.
მომხდარს უკრაინის პრეზიდენტი, ვოლოდიმირ ზელენსკი გამოეხმაურა. მისივე თქმით, ტერორი დაუსჯელი არ უნდა დარჩეს.
"ამ დროისთვის ვიცით 9 დაღუპულისა და 13 დაშავებულის შესახებ, მათ შორის ერთი ბავშვია. ეს რუსული ქმედებების დამახასიათებელი ნიშანი გახდა – მთელი შენობის მცხოვრებთა განადგურება. ყოველ ასეთ დარტყმას მსოფლიოს მხრიდან პასუხი სჭირდება. ტერორი დაუსჯელი არ უნდა დარჩეს", - განაცხადა ვოლოდიმირ ზელენსკიმ.