დონალდ ტრამპი შაბათს ახალ ტარიფებს დაუწესებს მექსიკას, კანადასა და ჩინეთს - თეთრი სახლი
თეთრ სახლში განაცხადეს, რომ პრეზიდენტი დონალდ ტრამპი შაბათს ახალ ტარიფებს დაუწესებს მექსიკას, კანადასა და ჩინეთს. ინფორმაციას ამის შესახებ ტელეკომპანია CNN-ი ავრცელებს.
თეთრი სახლის პრესმდივანმა, კაროლინ ლევიტმა აღნიშნა, რომ მექსიკასა და კანადას 25%-იანი ტარიფები დაუწესდებათ, ხოლო ჩინეთს - 10%-იანი ტარიფი.
„ეს არის პრეზიდენტის მიერ გაცემული და შესრულებული დაპირებები“, - დასძინა მან.
თეთრი სახლის პრესმდივანმა დამატებითი დეტალები არ გაამხილა, მათ შორის, შეეხება თუ არა ტარიფები ნავთობის იმპორტს და იქნება თუ არა გათვალისწინებული გარკვეული გამონაკლისები.
