ევროკავშირმა 25 ჩინურ კომპანიას სანქციები დაუწესა
ევროკავშირმა სანქციები დაუწესა 25 ჩინურ კომპანიას, რომლებიც რუსეთს სანქციებისთვის გვერდის ავლაში ეხმარებიან. ამის შესახებ China Morning Post იუწყება.
გამოცემის ცნობით, საუბარია ჩინურ და ჰონკონგის კომპანიებზე. ისინი რუსეთის სამხედრო სტრუქტურებისთვის ევროპული პროდუქციის მიწოდებაში არიან ეჭვმიტანილები.
გარდა ამისა, სანქციები დაუწესდება ჩინეთის ერთ მოქალაქეს, რომელსაც ევროკავშირში შესვლა აეკრძალება და იქ მისი აქტივები გაიყინება.
