გარანტია თუ მექნება, რომ ამერიკა და ევროპა არ მიგვატოვებს, მოგვცემენ უსაფრთხოების გარანტიებს, მზად ვიქნები მოლაპარაკებების ნებისმიერი ფორმატისთვის - ზელენსკი

თუ მექნება გარანტია, რომ ამერიკა და ევროპა არ მიგვატოვებს, გააგრძელებენ ჩვენს მხარდაჭერას და მოგვცემენ უსაფრთხოების გარანტიებს, მზად ვიქნები მოლაპარაკებების ნებისმიერი ფორმატისთვის, – ამის შესახებ უკრაინის პრეზიდენტმა, ვოლოდიმირ ზელენსკიმ lTV News-თან ინტერვიუში განაცხადა, კითხვაზე, მზად არის თუ არა, შეხვდეს პუტინს სამშვიდობო მოლაპარაკებებისთვის.

კითხვაზე, დათანხმდებოდა თუ არა იგი საბრძოლო მოქმედებების გაყინვას ამჟამინდელი საკონტაქტო ხაზის გასწვრივ უსაფრთხოების გარანტიების არსებობის შემთხვევაში, ზელენსკიმ უპასუხა: „ეს დამოკიდებულია იმაზე, თუ რა სახის გარანტიები იქნება“.

უკრაინის ლიდერმა აღნიშნა, რომ არ ისურვებდა ფრონტის ხაზის გაყინვას, რადგან უკრაინის რამდენიმე ქალაქი, რომლებიც დღეს ამ საკონტაქტო ხაზით არის მოწყვეტილი, დაზარალდება.