სახლის სახურავის გადათოვლისას სოფელ კონჭკათში შუახნის მამაკაცი დაიღუპა
ოზურგეთის მუნიციპალიტეტის სოფელ კონჭკათში უბედური შემთხვევის შედეგად, შუახნის მამაკაცი დაიღუპა.
როგორც გურია TV წერს, მამაკაცი მეზობლის დასახმარებლად გადავიდა და სახლის სახურავის გადათოვლისას დაიღუპა.
როგორც ირკვევა, ნგრევის შედეგად მამაკაცს ბეტონის ფილა ე.წ. “სინკარი” დაეცა.
შემთხვევა სოფელ კონჭკათის კატისციხის უბანში მოხდა.
ადგილზე მობილიზებული იყო სამაშველო და სასწრაფო დახმარების სამსახურები.
