როგორ მოვიქცეთ დიდთოვლობის დროს?
დასავლეთ საქართველოში დიდთოვლობამ პრობლემები შექმნა. განსაკუთრებით მძიმე მდგომარეობაშია გურიისა და აჭარის რეგიონები, სადაც სოფლები გარე სამყაროს მოწყდა. ადგილობრივი მოსახლეობა დახმარებას ითხოვს. მათ ნაწილს არ მიეწოდება გაზი, დენი და წყალი, არ აქვთ წვდომა მედიკამენტებსა და საკვებზე. ზოგიერთ სოფელში ადგილზე ვერ ახერხებს მისვლას სასწრაფო სამედიცინო დახმარებაც. პროგნოზით უამინდობა კიდევ რამდენიმე დღე გაგრძელდება. როგორ ვიმოქმედოთ დიდთოვლობის დროს? გთავაზობთ რამდენიმე რჩევას.
·
• თუ არ არის გადაუდებელი აუცილებლობა, ნუ დატოვებთ საცხოვრებელ ადგილს. საჭესთან მხოლოდ უკიდურესად გადაუდებელ შემთხვევაში დაჯექი. იმოძრავეთ მხოლოდ დიდ გზებსა და გზატკეცილებზე.
• გადაადგილებისას ჩაიცვით თბილი, წყალგამძლე ტანსაცმელი და მოერიდეთ მოყინულ ადგილებს.
• დიდი თოვლი სახურავებს აზიანებს. თუ შეძლებთ, მოაშორეთ ის ისეთ შენობებს, რომლებიც შეიძლება ჩამოინგრეს.
მოერიდეთ თოვლისგან გადახრილ ელექტროგადამცემ ბოძებსა და დაზიანებულ მავთულებს, ხეებს.
არ დატოვოთ გაზქურები და ღია ცეცხლი უყურადღებოდ.
• თუ სახლს ღია ცეცხლით ათბობთ, მაგალითად, გაზქურით, შეინარჩუნეთ ჰაერის ცირკულაცია, რათა თავიდან აიცილოთ ნახშირბადის მონოქსიდის დაგროვება.
• დაუკავშირდით ხანდაზმულ ან შეზღუდული შესაძლებლობების მქონე ადამიანებს, რომლებსაც შეიძლება დახმარება სჭირდებოდეთ.
• ერიდეთ მოლიპულ გზებს. ისეთი ფეხსაცმელი ჩაიცვით, რომელიც არ სრიალებს. თუ ასეთი არ გაქვთ, მშრალ ძირებზე დააკარით პლასტირი ან საიზოლაციო ლენტი. შეგიძლიათ ძირები ზუმფარის ქაღალდითაც დაამუშაოთ.
• იარეთ ფრთხილად, აუჩქარებლად, ფეხსაცმლის მთელ ძირზე ფეხის დადგმით. ფეხები ოდნავ მოდუნებული, ხელები კი თავისუფალი უნდა გქონდეთ.
• თუ ნამქერი ამოვარდა, მჭიდროდ დახურეთ ფანჯრები, კარები, სხვენი და სავენტილაციო მილები. მოიმარაგეთ წყალი, საკვები, მედიკამენტები, ავტონომიური განათების საშუალებები (ფარნები, ნავთის ლამპები, სანთლები), სამგზავრო ქურა, ბატარეებზე მომუშავე რადიომიმღები.
• თუ თქვენს გვერდით მყოფი ადამიანის სხეულის ტემპერატურა მკვეთრად ეცემა, დროულად გაათბეთ და დაუკავშირდით სამედიცინო დახმარებას.
• თავი აარიდეთ ადგილებს, სადაც ზვავის საშიშროებაა, კერძოდ, დახრილ ფერდობებს.
თუ ელექტროენერგია ან კავშირის საშუალებები გამოირთვება, გამოიყენეთ რადიო ან მეზობლების დახმარება ინფორმაციის მისაღებად.
დიდთოვლობის დროს მთავარი პრინციპია მომზადება და ფრთხილი ქმედება. რაც უფრო მეტად ვიქნებით მზად, მით ნაკლებია რისკი, რომ ჩვენ და ჩვენს საყვარელ ადამიანებს საფრთხე შეექმნებათ.
