პროდუქტები, რომელიც თებერვალში გაძვირდა

2025 წლის თებერვალში წინა თვესთან შედარებით ინფლაციის დონემ საქართველოში 0.4%, ხოლო წლიური ინფლაციის დონემ 2.4% შეადგინა. ამის შესახებ მონაცემებს საქსტატი აქვეყნებს.

რაც შეეხება საბაზო ინფლაციას, სტატისტიკის მიხედვით, აღნიშნულმა მაჩვენებელმა 2025 წლის თებერვალში, გასული წლის შესაბამის პერიოდთან შედარებით 2.1% შეადგინა, ხოლო თამბაქოს გარეშე წლიური საბაზო ინფლაციის მაჩვენებელი 2.0%-ით განისაზღვრა.

საქსტატის თანახმად, პროდუქტებს შორის, თებერვალში, წლიურად ყველაზე მეტად კომბოსტო გაძვირდა, ფასის მატებამ 73.1% შეადგინა. ხოლო მეორე ადგილზეა მწვანილი - 46%-ით.

უფრო კონკრეტულად, სტატისტიკის ეროვნულ სამსახურზე დაყრნობით, გთავაზობთ იმ პროდუქტების ათეულს, რომელც თებერვალში, წინა წლის თებერვათან შედარებით, ყველაზე მეტად გაძვირდა:

კომბოსტო - 73.1%

მწვანილი - 46%

კივი - 45.3%

მანდარინი - 26%

ნიორი -23.5%

ბადრიჯანი - 21.2%

ფორთოხალი - 21%

მზესუმზირას ზეთი - 20%

წიწაკა - 16.5%

კიტრი - 16%

წყარო