უკრაინისთვის Starlinks-ის სერვისების მიწოდებისთვის პოლონეთი იხდის, თუ SpaceX-ი არასანდო პროვაიდერი აღმოჩნდება, სხვა მომწოდებლებს მოვიძიებთ - სიკორსკი

პოლონეთი შეწყვეტს კონტრაქტს კომპანია Starlink-თან, თუ ილონ მასკი შეასრულებს თავის მუქარას უკრაინისთვის თანამგზავრული კომუნიკაციების გათიშვის შესახებ, - ამის შესახებ სოციალურ ქსელ X-ზე პოლონეთის საგარეო საქმეთა მინისტრმა რადოსლავ სიკორსკიმ დაწერა.

მან გაიხსენა, რომ უკრაინაში Starlink-ის ტერმინალების მნიშვნელოვანი ნაწილის ოპერირებას პოლონეთის დიგიტალიზაციის სამინისტრო ანაზღაურებს. ეს არის კონტრაქტი, რომლის საერთო ღირებულება წელიწადში დაახლოებით 50 მილიონი დოლარია.

„უკრაინისთვის Starlinks-ის სერვისების მიწოდებისთვის პოლონეთის გაციფრულების სამინისტრო წელიწადში, დაახლოებით, 50 მილიონ აშშ დოლარს იხდის. აგრესიის მსხვერპლის მუქარის ეთიკის გარდა,  თუ SpaceX აღმოჩნდა არასანდო მიმწოდებელი, ჩვენ იძულებული ვიქნებით მოვძებნოთ სხვა მომწოდებლები“, - გააფრთხილა სიკორსკიმ.

შეგახსენებთ, ილონ მასკმა განაცხადა, რომ Starlink სისტემა უკრაინის არმიის ხერხემალია და თუ მას გათიშავს, უკრაინის მთელი ფრონტის ხაზი ჩამოიშლება.