რა ჯობს - კედლის შეღებვა თუ შპალერის გაკვრა?
შეღებვა თუ შპალერი? - სარემონტო სამუშაოების დროს ასეთი დილემის წინაშე ბევრი აღმოჩენილა. თითოეულ ვარიანტს თავისი უპირატესობები და ნაკლოვანებები გააჩნია, ჩვენი რჩევები კი თქვენთვის შესაფერისი არჩევანის გაკეთებაში დაგეხმარებათ.
შპალერი – დადებითი მხარეები:
1. დიზაინის მრავალფეროვნება: ყვავილოვანი, გეომეტრიული, კლასიკური, მინიმალისტური და ა.შ.
2. ფართის ვიზუალური გარდაქმნა – სწორად შერჩეული შპალერი სივრცეს ადიდებს ან ათბობს და სტილს ხაზს უსვამს.
3. ფარავს კედლის ხარვეზებს – პატარა ბზარები, არათანაბარი ზედაპირი და სხვა ნაკლოვანებები შპალერის ქვეშ მარტივად იმალება.
4. მდგრადობა და ხანგრძლივობა – ხარისხიანმა შპალერმა შეიძლება 10 წელზე მეტი გაძლოს.
5. ზოგი შპალერი ირეცხება – ეს ბავშვიან ოჯახებში განსაკუთრებით მნიშვნელოვანია.
შპალერის უარყოფითი მხარეები:
1. დამატებითი ხარჯები და სირთულე გაკვრისას – კარგი ხარისხის შპალერი და მისი გაკვრა საკმაოდ ძვირი და რთულია.
2. ტენიანობის მიმართ მგრძნობიარობა – თუ შპალერი სპეციალურად დამუშავებული არაა, ტენიანი ოთახისთვის (მაგ. აბაზანა) ნაკლებად ვარგისია.
3. შეცვლის სირთულე - მოძველებული შპალერის აძრობა საკმაოდ რთული და შრომატევადი პროცესია.
შეღებილი კედელი – დადებითი მხარეები:
1. მარტივად შესაღებია – შენ თვითონ, სპეციალისტის დახმარების გარეშე შეგიძლია შეღებო და როცა ერთი ფერი მოგბეზრდება, მეორე ფერი გადაატარო.
2. ხელმისაწვდომია – ხელმისაწვდომი და იაფია, განსაკუთრებით თუ პროფესიონალის დახმარება არ გჭირდება.
3. მინიმალისტური – იდეალურია თანამედროვე ინტერიერისთვის, თუ სიმარტივე გიყვარს.
4. ტენის მიმართ გამძლეობა – სპეციალური საღებავებით შესაძლებელია ტენიანი ადგილების შეღებვა.
შეღებილი კედელი – უარყოფითი მხარეები:
1. კედლის ზედაპირს მომზადება სჭირდება – თუ კედელი იდეალურად გლუვი არ არის, საღებავი ხარვეზებს გამოაჩენს.
2. ერთფეროვნება – შესაძლოა შპალერის მსგავსად მდიდარული ეფექტი ვერ შექმნა.
3. სახლში ბავშვების ან შინაური ცხოველების ყოფნის შემთხვევაში სწრაფად ლაქავდება – რაც ხშირად ხელახალ შეღებვას საჭიროებს.
დასკვნა:
თუ შენთვის მნიშვნელოვანია სივრცის ეფექტური დიზაინი და მდიდარი ვიზუალი, შპალერი უკეთესი არჩევანია.
თუ გინდა მარტივად განახლებადი, პრაქტიკული და ბიუჯეტური ვარიანტი, მაშინ შეღებვა უფრო მოსახერხებელია.
