საქართველოს მოსახლეობის თითქმის 35% თბილისში ცხოვრობს
საქართველოს მოსახლეობის 34.6% დედაქალაქში ცხოვრობს. აღნიშნულს მოწმობს სტატისტიკის ეროვნული სამსახურის მონაცემები.
უფრო კონკრეტულად, 2025 წლის 1-ლი იანვრის მდგომარეობით, მთლიანი მოსახლეობის რაოდენობა 3 704 500-ს შეადგენდა, აქედან კი 1 282 600 პირი თბილისში ცხოვრობდა.
სტატისტიკის ეროვნული სამსახურის მონაცემებით, თბილისის შემდეგ ყველაზე მეტი მოსახლე ქვემო ქართლს, იმერეთსა და აჭარას ჰყავს.
კერძოდ, „საქსტატის“ მონაცემებით, 2025 წლის 1-ლი იანვრის მდგომარეობით, მოსახლეობა რეგიონების მიხედვით ასეა გადანაწილებული:
- ქვემო ქართლი - 438 900 კაცი;
- იმერეთი - 433 300 კაცი;
- აჭარის ავტონომიური რესპუბლიკა - 366 700 კაცი;
- კახეთი - 298 500 კაცი;
- სამეგრელო-ზემო სვანეთი - 283 300 კაცი;
- შიდა ქართლი - 242 000 კაცი;
- სამცხე ჯავახეთი - 140 200 კაცი;
- გურია - 100 600 კაცი;
- მცხეთა-მთიანეთი - 92 700 კაცი;
- რაჭა-ლეჩხუმი - ქვემო სვანეთი - 25 700 კაცი.
