რუსებს შორის საქართველოში დასვენებაზე მოთხოვნა ერთ წელიწადში 26%-ით გაიზარდა
საქართველოში ივლისის თვისთვის რუსებს შორის მოგზაურობის მოთხოვნა ერთ წელიწადში 26%-ით გაიზარდა, ხოლო ქვეყანა ივლისის პოპულარულ მიმართულებებს შორის მე-7 ადგილზეა.
სერვის OneTwoTrip-ის მონაცემებს რუსული “კომერსანტი” ავრცელებს.
ერთ წელიწადში პოპულარობის ზრდის პროცენტული მაჩვენებლით საქართველოს მხოლოდ ყაზახეთი (+85%) და ბელარუსი (+30%) უსწრებს.
რაც შეეხება ივლისის დაჯავშნებში საქართველოს წილს, აქ უკვე ქვეყანა, მათ შორის, ყაზახეთსაც უსწრებს და ტოპ 10-ეულში მეშვიდე ადგილზეა. კერძოდ, ივლისის მთლიან დაჯავშნებში საქართველოს წილი 3.7%-ს შეადგენს და ერთი პოზიციით უკან არის ბელარუსზე (4.4%), ხოლო ყაზახეთი 2.4%-იანი წილით ათეულს ხურავს.
რუსებს შორის ივლისში უცხოური დასვენების ყველაზე პოპულარული მიმართულებების ტოპ 10-ეულია:
- იტალია - დაჯავშნების 14.7%
- ესპანეთი - 11.5%
- საფრანგეთი - 11.4%
- თურქეთი - 9.6%
- ჩინეთი - 4.6%
- ბელარუსი - 4.4%
- საქართველო - 3.7%
- ტაილანდი - 3.0%
- უნგრეთი - 2.6%
- ყაზახეთი - 2.4%
