ერევანში, პოლიციის შენობასთან მდგომარეობა ისევ დაძაბულია
ერევნის პოლიციის შენობასთან სამართალდამცველების დამატებითი ქვედანაყოფები განალაგეს. ოპოზიციის შეიარაღებულ დაჯგუფებას უკვე მესამე დღეა მძევლები ჰყავს აყვანილი. ამ დროისთვის მათ ტყვეობაში 4 პოლიციელია.
თავდამსხმელები ოპოზიციის ლიდერის გათავისუფლებას და ქვეყნის პრეზიდენტის გადადგომას მოითხოვენ.
უსაფრთხოება კვლავ გაძლიერებულია ერევნის ცენტრშიც. ქალაქის მთავარ მოედანზე პოლიციელებსა და ოპოზიციის აქტივისტებს შორის, გუშინ საღამოს მორიგი შეტაკება მოხდა. სამართალდამცველებმა რამდენიმე აქტივისტი დააკავეს.
