სოჭთან მომხდარ ავიაკატასტროფას ვერავინ გადაურჩა
რუსეთის თავდაცვის სამინისტროს ინფორმაციით, დღეს გამთენიისას სოჭთან მომხდარ ავიაკატასტროფას ვერავინ გადაურჩა.
შავ ზღვაში სამაშველო ოპერაცია 24 საათიან რეჟიმში მიმდინარეობს. მაშველებმა თვითმფრინავის ფრაგმენტები და უკვე 12 გარდაცვლილის ცხედარი იპოვეს.
ვლადიმერ პუტინმა დაღუპულებისთვის პატივის მისაგებად 26 დეკემბერი გლოვის დღედ გამოაცხადა. ტუ 154, რომლის ბორტზეც 92 ადამიანი იმყოფებოდა, სოჭში საწვავის ჩასამატებლად ჩაფრინდა, საიდანაც სირიის მიმართულებით მიფრინავდა.
ოფიციალური პირების ნაწილი ტერაქტს გამორიცხავს და გამოძიება თვითმფრინავის ტექნიკური გაუმართაობის საკითხს იკვლევს. როგორც ცნობილია, ტუ 154 ბოლოს 2014 წელს შეაკეთეს.
