მოქალაქებისთვის დენის ტარიფის გაზრდის საკითხს დღეს "სემეკი" სხდომაზე გადაწყვეტს
გაიზრდება თუ არა ელექტროენერგიის საფასური მოქალაქებისთვის - ამას მარეგულირებელი კომისიის დღევანდელ სხდომაზე გადაწყვეტს. სემეკი კომპანიების "ენერგო-პრო ჯორჯიასა" და "თელასის" მოთხოვნას - სამომხმარებლო ტარიფის გადახედვასთან დაკავშირებით განიხილავს.
"კომისიამ გააანალიზა ყველა ეს ხარჯი და შესაბამისად, დაამტკიცებს იმ მოცულობით, რითაც ის ჩათვლის უკვე რეალურად მიზანშეწონილად ამ ტარიფებს," - გამარტავს საქართველოს ენერგეტიკის და წყალმომარაგების მარეგულირებელი ეროვნული კომისიის წევრი გოჩა შონია.
კომისიის წევრები მოუსმენენ კომპანიის არგუმენტებს - თუ რის საფუძველზე ითხოვენ ისინი მოქალაქებისთვის ელექტროენერგიის საფასურის გაძვირებას.
4 დღის წინ სემეკმა 10 ჰესის ტარიფს გადახედა. აქედან ერთს ტარიფი დაახლოებით 2 თეთრით გაეზარდა, ხოლო დანარჩენს ნახევარი თეთრით შეუმცირდა.
