ლარი დოლართან მიმართებაში 2 თეთრით გამყარდა
საქართველოს ეროვნული ვალუტა დღეს დოლართან მიმართებაში 0.0205 ლარით გამყარდა. ეროვნული ბანკის მიერ გამოქვეყნებული ოფიციალური გაცვლითი კურსის თანახმად, ხვალიდან დოლარის ყიდვა 2.7302 ლარად იქნება შესაძლებელი.
კურსი კომერციულ ბანკებშიც შეიცვალა. 1 დოლარი რესპუბლიკა ბანკში 2.74 ლარი, საქართველოს ბანკში - 2.765, ხოლო TBC-ში - 2.735 ლარი ღირს.
ლარს ამჯერად არც ევროსთან მიმართებით განუცდია ვარდნა. წინა ოფიციალური კურსით 1 ევრო 2.8739 ლარს უტოლდებოდა, ხვალ კი ევროს ყიდვა 2.8520 ლარად იქნება შესაძლებელი.