თამარ მეფის გამზირზე ხანძრის შედეგად ათამდე ოჯახი უსახლკაროდ დარჩა
თამარ მეფის გამზირის 20 ნომერში ხანძრის შედეგად ათამდე ოჯახი უსახლკაროდ დარჩა. სამ სართულიან სახლში ხანძარი მეორე სართულზე გაჩნდა, რის შემდეგაც მესამე სართულზეც გავრცელდა.
ადგილზე 15 სახანძრო-სამაშველო ჯგუფი იყო მობილიზებული და დროულად მოხერხდა ცეცხლის ჩაქრობა. არავინ დაშავებულა, თუმცა დაიწვა 800 კვადრატული მეტრის საცხოვრებელი ფართი.